KAAT BISU
(Tjémbi 1-41)
1 I mut a ntjél noñ maéba ma bibéba bi bôt a yé kimasoda,
a ntelep bé i njel i baboñbéba,+
a nyén bé to i yééne i bôt ba minjôha.+
2 Ndi a ngwés mbén Yéhôva+ iloo hihéga,
a ñañ ki mbén yé, a ôdôk pék mu juu ni njamuha.+
3 A ga ba kiki e le ba mbel ipañ malép,
e i i num matam i ngéda yé,
tjai tjé di nyuyi bé.
Yak mam momasôna a mboñ ma nke loñge.+
4 Bibéba bi bôt bi ta bé hala;
bi yé kiki bikôgôô bi blé mbebi i nkena.
5 Jon bibéba bi bôt bi ga pei bé i ngéda ba ga kéés+ bo;
to baboñbéba ba ga pei bé mu ntôñ u bôt ba téé sép.+
6 Inyule Yéhôva a nyi njel i bôt ba téé sép,+
ndi njel i bibéba bi bôt i ga tjé.+