Tjémbi

145 M’a ti we lipém, a Nyambe wem, a Kiñe,+

m’a bégés jôl joñ i boga ni boga.+

 2 M’a bégés we+ kel yosôna,

m’a bégés jôl joñ i boga ni boga.+

 3 Yéhôva a yé mpémba, a kôli yaga le ba bégés+ nye;

bikeñi gwé bi mbuma ñañ.*+

 4 Hiai hi len ni hiai hi ga yik lo di ga bégés minson nwoñ;

di ga añal minson nwoñ mi ngui.+

 5 Bôt ba ga pot inyu minson nwoñ mi mbuma ñañ mi mi ñunda lipém joñ,+

m’a ôt pék mu minson nwoñ mi hélha.

 6 Bôt ba ga pôdôl minson nwoñ mi hélha*

yak me, me ga añal bikeñi gwoñ.

 7 Ba ga bigda ngandak yoñ loñgeñem,*+

ba ga tôp tjémbi di bibégés, ba leñ ki diléla inyu telepsép yoñ.+

 8 Yéhôva a gwé ñem ngôô,* a nkon ki bape ngoo,+

a mpala bé unup, a ntéñbe ki i unda ngandak gwéha.+

 9 Yéhôva a mbôñôl bihégél gwobisôna loñge,+

yak konangoo yé i nene mu minson nwé nwominsôna.

10 A Yéhôva, minson nwoñ nwominsôna mi ga ti we lipém,+

yak ba ba ntéñbe ni we ba ga bégés we.+

11 Ba ga añal lipém li ane yoñ,+

ba ga pôdôl ki lipémba+ joñ,

ל [Lamed]

12 le bôt ba yi minson nwoñ mi ngui,+

ba yi ki lipém ni bikeñi bi ane+ yoñ.

13 U yé kiñe i boga ni boga,

yak ane yoñ i nom tjai ndi tjai.+

14 Yéhôva a nit ba bobasôna ba nkwo,+

a ntéé ki ba bobasôna ba hudi.+

15 Mis ma bôt bobasôna ma nun we, ba mbôdôl ki we ñem;

u nti bo bijek gwap i loñge ngéda.+

16 U nyibil woo woñ,

u yônôs ki ngôñ i bihégél gwobisôna bi bi niñ.+

17 Yéhôva a mboñ mam momasôna ni telepsép,+

a mboñ ki mam momasôna ni maliga.+

18 Yéhôva a yé bebee ni ba bobasôna ba nlôndôl nye,+

a yé bebee ni ba bobasôna ba nsébél nye ni maliga.+

19 A nyônôs ngôñ i ba ba nkon nye woñi;+

a ñemble nlondok wap, a nsôñ ki bo.+

20 Yéhôva a ntat ba bobasôna ba ngwés nye,+

ndi a ga tjé bibéba bi bôt+ gwobisôna.

21 Nyo wem u ga ti Yéhôva bibégés;+

bihégél gwobisôna bi bi niñ bi* bégés jôl jé i boga ni boga.+