Yésaya
2 Ibabé set, u ga too;+
u ga kon maséé, u leñ ki diléla.
Bôt ba ga tehe lipém li Yéhôva, bilama bi Nyambe wés.
3 Lédhana moo ma ma ntomb,
lédhana yak maboñ ma ma nsehla.+
4 Kala i bôt ba gwé nduña i ñem le:
“Lédhana. Ni kon bañ woñi.
Nuna-ki! Nyambe nan a ga lona mapuna,
Nyambe a ga lona kogse.+
A ga lo, a tohol ki bé.+
Inyule malép ma ga puhul i ñoñ,
yak diléléba i tegep ñoñ.
7 Hisi hi hi nlék hi ga yila kiki titimba i i yôni ni makai,
nnumuk nkoñ u yila mangen ma malép.+
Bikai, makai ni biloloo bi ga ba
mu bihôk bi dibaa di njéé,+ i het di nañlene.
8 Nloñ nkeñi u ga ba nyoo,+
ñ, nloñ u u gwé jôl le Nloñ mpubhaga.
Mut nyega nye ki nye a ga kil bé mu.+
U yé ndigi inyu mut a kôli kil mu;
jôñ mut yo ki yo i ga lôô bé mu.
9 Mbondo njéé i ga ba bé mu,
to nuga bikai yo ki yo i ga kil bé mu.
10 I bôt Yéhôva a nkobol ba ga témb+ i Siôn, ba leñek diléla.+
Maséé ma ma mal bé ma ga ba bo i ngii ño kiki ntut.+
Ba ga ba ndik ikété maséé ni mahak,
ndutu ni njiiha bi ga ba ha bé.+