Yésaya
57 Mut a téé sép a nwo,
ndi hala a ntééñga bé mut nye ki nye.
Bôt ba tiñi ni Nyambe ba ta ha bé,*+
ndi mut to wada a nyimbe bé le mut a téé sép a ta ha bé
inyule ndutu i nkena nye.*
2 A nléba nsañ.
I bôt bobasôna ba nkil ikété telepsép ba ga noi i ngii binañi* gwap.
3 “Ndi bé, loga hana,
a bon bôlôm ba muda liemb,
a bon ba mut ndéñg ni muda libambe:
4 “Njee ni nol hiol?
Njee ni nahlene nyo, ni pémhak hilémb?
Baa ni ta bé bon ba bibéba bi bôt,
mbôda i bôt ba bitembee?+
5 Baa miñem minan mi nloñ bé ni ngôñ i bégés bisat ipôla bie bikeñi,+
isi hiki e i ngi yii yômi,+
ikété bihôk bi maaa?
6 U mpohol bisat bi bi yé ni minsenda mi ngok mi nsôsôgô.*+
Ñ, i ngok ini yon i ga ba ngababum yoñ.
U nsémél yo makébla ma wai ni makébla mape.+
Baa me nlama kon maséé* ni i gwom bi?
8 U bi téé yimbne* yoñ ikété ndap yoñ.*
U bi tjôô me, u héya mambot;
U bi bet nyoo, u kéñbaha ki nañi yoñ.
9 U bi sôs yak Mélek* lôñni môô,
yak ni ngandak binunumba.
U bi om bagwélél boñ haa,
kayéle u bi sôs letee ni i Soñ.*
10 U bi tumbba yañga i noñ ngandak yoñ manjel,
ndi u bi kal bé le: ‘Nseñ u ta bé!’
Kiki u bi témb u bana ngui,
u bi waa bé.
11 Njee u bi kon woñi; njee a bi boñ le u sehla
inyu boñ le u kahal tembee?+
U bi hoñol ha bé me.+
U bi diihe bé jam jo ki jo.+
13 I ngéda w’a lond inyu bat mahôla,
ngandak yoñ bisat i ga sôñ bé we.+
Mbebi i ga kena gwobisôna,
mbebi le mut a nhue i ga sas gwo,
ndi i mut a nsolbene i meeni a ga kôdôl loñ,
a ga yoñ ki hikôa hiem hipubhaga.+
14 Ndi i ga kéla le: ‘Oña, oña nloñ! Kôôbana njel!+
Ni héya bikumul gwobisôna mu njel litén jem li nkil.’”
“Me nyééne* i homa a nyôgi, a bak mpubhaga,+
ndi me nyén ki lôñni bôt ba nok ndutu, ba bak suhulnyuu,
inyu boñ le me ti bôt ba suhulnyuu ngui,
me lédés ki miñem mi bôt ba nok ndutu.+
16 Inyule me ga kolba bé bo i boga ni boga,
me ga unbene bé to bo ngéda yosôna;+
tiga le bôt* ba nimis ngui yap,+
yak ni bihégél gwem bi bi nhép.
17 Me bi unbene nye inyule a bé je bôt nseñ,+
inyu hala nyen me bi bép nye, me bi yoñ ha bé ngéda yé,* inyule ñem u bi hénd me.
Ndi a bi kônde ndik boñ mam kiki ntonba,+ a boñok i mam ñem wé u bé kal nye.
18 Me bi tehe maboñok mé,
ndi me ga mélés kon wé,+ me éga ki nye,+
me ga témb me hôgbaha nye,*+ yak ni bôt bé ba ba nkôhna maéya.”+
19 “Me ga ha bibégés gwem i bibép.*
Mut nu a yé haa a ga bana nsañ u u mal bé, nlélém ni mut nu a yé bebee,”+ hala nyen Yéhôva a nkal,
“me ga mbuubaha ki nye.”
20 “Ndi bibéba bi bôt bi yé kiki tuye nu a mpél, nu a nla bé mom nwee,
malép mé ma mpémés ndik mahindi ni liboo.
21 Nsañ u ta bé inyu bibéba bi bôt,”+ hala nyen Nyambe wem a mpot.