Yésaya
46 Bel a nhôdôp,+ Nébô a ñôôp.
Binuga gwon bi bééga bisat gwap; ñ, binuga bi nson bi bééga+ gwo;
bisat gwap bi yé kiki mambegee ma ma nyidil binuga bi bi yé nwaak.
3 “Emblana me a mbôda Yakôb; yak bé bobasôna ba ni ngi yii i mbôda Israel,+
a bé ba me bi nit ilole ni ngwéé, me begee ki bé i ngéda ni bé ikété libum.+
4 To ni mañap, me ga ba nlélém;+
to tjôñ dinan di mpôp, m’a kônde nit bé.
Kiki me bi bôk me boñ, me ga nit bé, me begee bé, me tohol+ ki bé.
6 Ngim bôt i mpémés gôl i bibot gwap;
ba hek silba i kilô.
Ba saa mut a ñôô bikei, a bañ nyambe+ ni yo.
I mbus, ba kahal ôôp nye i bisu, ñ, ba bôdôl bégés+ nye.
7 Ba mbegee nye i bituu;+
ba kena nye, ba téé nye i homa wé, a yégle ha.
a nyodi bé i homa ba ntéé nye.+
Ba nlôndôl nye, ndi a ntimbhe bé;
a nla bé sôñ mut ikété njiiha.+
8 Ni hôya bañ i jam li, ni bana ki makénd.
A bibéba bi bôt, téédana i jam lini ikété miñem minan.
9 Hoñlana mam* ma bi tagbe i ngéda kôba,
bigdana le men me yé Nyambe, numpe a ta bé.
Me yé Nyambe, numpe a ta bé le a mpôna me.+
10 I ngéda jam li ngi yii i bibôdle, me ñañal lisuk jé;
ibôdôl i ngéda kôba, me ñañal mam ma yé ngi bôña.+
11 Me nsébél hinuni hi hi nje minsôn, hi lôlak i homa hiañgaa hi mpémél;*+
ñ, me nsébél i mut a nlôl i loñ i yé haa, le a boñ sômbôl* yem.+
I jam me mpot, me ga boñ jo.
Me nhek pék i boñ ngim jam, me ga yônôs ki jo.+
12 Emblana me, a bôt ba gwé miñem mi nlet,*
yak bé ba ni bi ke haa ni telepsép.
Me ga lona tohi i Siôn, me lona ki lipém+ jem i Israel.