Masoola Yôhanes a bi kôhna

14 I mbus hala, me tehe, ndi nuna-ki! Man ntômba+ a téé i hikôa Siôn,+ nye ni 144 000+ bôt, ba ba gwé jôl jé ni jôl li Isañ+ ntilga i mbom yap. 2 Me nok kiñ i nlôl i ngii kiki liyôgbe li ngandak malép ni kiki mbimba i mbambat ikeñi; i kiñ me bi nok i bé pôna kiñ i bôt ba ntôp tjémbi, ba kôdôk diluñ tjap. 3 Ba ntôp hiémbi hi hi yé wengoñle hiémbi hi mondo+ i bisu bi yééne ane, ni i bisu bi bihégél bi niñ bina,+ ni i bisu bi mimañ;+ ndi mut to wada a bi la bé tibil yi hiémbi hi, handugi 144 000,+ ba ba bi sômba hana ’isi. 4 Bana bon ba bi hindis bé bomede ni bôda; ni maliga, ba yé konji.+ Bon ba ntéñbe i noñ Man ntômba to hee a nke.+ Bon ba bi sômba+ ikété bôt ba binam kiki matam ma bisu+ inyu Nyambe ni inyu Man ntômba, 5 malôga mo ki mo ma bi lébna bé mu manyo map; ba yé ngi liton li mahindi.+

6 Me tehe añgel ipe i mpuue i ñemkété ngii,* i ban-ga ñañ nlam u boga i añle i bôt ba nyééne hana ’isi, ikété hiki loñ, ni hiki litén, ni hiki hilémb* ni hiki lihaa.+ 7 I bé pot ni kiñ ikeñi le: “Kona Nyambe woñi, tina ki nye lipém, inyule ngeñ yé bikééhene i nkola,+ jon béghana Nu a bi hek ngii, ni hisi, ni tuye,+ ni mangen* ma malép.”

8 Añgel ipe, hala wee i nyônôs iba, i bi noñ ha, i kalak le: “A mal kwo! Babilôn Nunkeñi+ a mal kwo,+ nyen a bi boñ le matén momasôna ma nyo wai i ngôñ yé ikeñi* i malal ma nyega!”*+

9 Añgel ipe, hala wee i nyônôs aa, i bi noñ gwo, i kalak ni kiñ ikeñi le: “Ibale mut a mbégés nuga bikai+ ni ôñgba yé, a neebe ki yimbne i mbom yé tole i woo wé,+ 10 wee a ga nyo ki wai i hiun hi Nyambe i i nkuba ikété libôndô li hiun hié,+ ibabé le i ba mpôdnaga, a’ son ki njonok lôñni hié ni solfa+ i mis ma biañgel bipubhaga ni i mis ma Man ntômba. 11 Yak hiida hi njonok yap* hi mbet i boga ni boga;+ i bôt ba mbégés nuga bikai lôñni ôñgba yé ba ga bana bé noi to juu to njamuha, yak nu ni nu a neebe yimbne i jôl jé.+ 12 Hana nyen i mbéda bapubhaga hônba,+ ba ba nôgôl mambén ma Nyambe, ba téñbege i hémle+ Yésu.”

13 Me nok kiñ i nlôl i ngii i nkal le: “Tila le: Maséé ni bawoga ba ba nwo ikété adna ni Nwet+ ibôdôl hanano. Ñ, mbuu u nkal le, ba noyok inyu ndumbba yap, inyule i mam ba bi boñ ma nkiha lôñni bo.”*

14 I mbus hala, me tehe, nuna-ki! Puba ond; nu a bé a yii mu ngii a bé pôna man mut,+ a ban-ga ntut gôl i ño wé ni nhôdôk kwade i woo wé.

15 Añgel ipe i pémél i homa mpubhaga nu témpel, i séblak nu a yii i ngii ond ni kiñ ikeñi le: “Gwélél nhôdôk woñ kwade, u bumbul inyule ngeñ libumbul i nkola, inyule libumbul li hisi li yé nhôôlak jolisôna.”+ 16 Nu a bé a yii i ngii ond a tégbaha nhôdôk wé kwade hana ’isi, hisi hi bumblana.

17 Añgel ipe ki i pémél i homa mpubhaga nu témpel nyoo i ngii, yak yo i bééna nhôdôk kwade nu a nhoo.

18 Añgel ipe ki i pémél i juu li bisesema, i bééna kunde i ngii hié. I sébél nu a bééna nhôdôk kwade nu a nhoo ni kiñ ikeñi, i kal le: “Gwélél nhôdôk woñ kwade nu a nhoo, u kot mayuu ma nkôô wai u hisi, inyule matam ma nkôô wai ma nhôlôl.”+ 19 Añgel i tégbaha nhôdôk wé kwade hana ’isi, i kot matam ma nkôô wai u hisi, i leñ mo ikété soso waa wai u hiun hi Nyambe.+ 20 Ba bi tjôl matam i waa wai i mbus tison, matjél ma pam mu waa wai ma bet letee ni i manyo* ma bihosi, ma hô jam kiki bo 300 kilôméta.*