Tjémbi
Miktam* i David.
16 Éé a Nyambe, sôñ me, inyule i weeni nyen me nsolbene.+
2 Me bi kal Yéhôva le: “U yé Yéhôva, hiki jam lilam me nkôhna i niñ yem li nlôl i weeni.*
3 I bapubhaga ba yé hana ’isi,
hala wee i bôt ba kôli ni lipém, ba nlôôha kônha me maséé.”+
4 I bôt ba noñ banyambe bape ba nlona bomede ngandak mandutu.+
Kekikel, m’a yoñ bé ngaba i ngéda ba ga kôp matjél ma bisesema gwap,
to bibép gwem bi ga sima bé môl ma banyambe+ bap.
5 Yéhôva a yé jôga jem, ngaba+ yem, ni libôndô+ jem.
Wen u ntééda ngababum yem.
6 Minkoñ me nkôhna mi yéne i bahoma balam.
Ñ, me yé maséé ni ngababum+ yem.
7 M’a bégés Yéhôva nu a nti me maéba.+
Mahoñol mem ma kétékété* ma niiga+ me yak juu.
8 Me mbii Yéhôva i bisu gwem ngéda yosôna.+
Kiki a yé i woo wem walôm, m’a piñgla bé*+ kekikel.
9 Jon ñem wem u nkon maséé, m’a* hak yaga.
Me* nyén ki ibabé le me kon woñi.
10 Inyule w’a tjôô bé me ikété Soñ.*+
W’a nwas bé to le nu a ntéñbe ni we a tehe soñ.*+
11 U ñunda me njel niñ.+