Tjémbi

 3 Yila liaa jem i het me nsolbene,

i homa me nla ke ngéda yosôna.

Ti oda le me tohlana,

inyule u yé liaa jem ni lisolbene+ jem li ngui.

 4 A Nyambe wem, sôñ me i moo ma béba mut,+

i moo ma mut a téé bé sép, nu a ntét bôt bape.

 5 Inyule u yé botñem yem, a Nwet Bayemlikok le Yéhôva;

me mbôdôl we ñem* ibôdôl me mañge wanda.+

 6 Ibôdôl nu me bi gwéé, we nyen me nigbene;

wen u bi pémés me i libum li mama yem.+

 7 Inyu ngandak bôt, me nyila hélha jam;

ndi we, u yé lisolbene jem li ngui.

 8 Nyo wem u yôni ni bibégés+ me nti we;

kel yosôna, me ñañal bikeñi gwoñ.

 9 U lep bañ me i ngéda me ñun;+

u tjôô bañ me i ngéda me nimis ngui yem.+

10 Baoo bem ba mpot me béba,

yak ba ba nyéñ nol me, ba ñuune me jimb,+

11 ba kalak le: “Nyambe a ntjôô nye.

13 I bôt ba nkolba me,

ba wo nyuu, ba tjiba+ ki.

I bôt ba nyiñil me béba,

ba kon hison, ba wo ki nyuu.+

14 Ndi me, m’a waa bé bem;

m’a bégés ndik we, bégés ni bégés.

15 Nyo wem u ga añal telepsép+ yoñ;

kel yosôna, nyo wem u ga añal minson nwoñ mi hélha,

to hala kiki mi yé ngandak iloo mi me nla soñgol.*+

16 M’a lo i añal minson nwoñ mi ngui,

a Nwet Bayemlikok le Yéhôva;

m’a pôdôl telepsép yoñ, yotama ndigi.

17 A Nyambe, u bi niiga me ibôdôl me mañge,+

yak letee ni nano, me ñañal minson nwoñ mi hélha.+

Neebe le me añle hiai hi nlo ngui yoñ,*

me añle ki ba bobasôna ba nyik gwéé lipémba joñ.+

19 A Nyambe, telepsép yoñ i mpam letee ni i bahoma ba nyôgi;+

u bi boñ mam makeñi;

a Nyambe, njee a yé kiki we?+

20 To hala kiki u bi boñ le bikuu ni mandutu bi nkwél me,+

témb ti me ngui;

yôñôl me nyoo ikétékété ’isi,*+ u pémés me.

21 Boñ le me kônde bana lipém,

kéña me, u hôgbaha ki me.

22 Ha nyen m’a bégés we ni bikôkôda bi manganda,

inyule u yé maliga, a Nyambe+ wem;

m’a tubul we tjémbi di bibégés ni hiluñ,*

a Numpubi nu Israel.

24 Kel yosôna, me ga* añal*+ telepsép yoñ,

inyule i bôt ba nyéñ tjé me ba ga wo nyuu, ba kon ki hison.+