Yôsua
11 I ngéda kiñe Hazôr le Yabin a bi nok i jam li bi tagbe, a om nwin yak kiñe Madôn+ le Yôbab, yak kiñe Simrôn, ni yak kiñe Aksaf,+ 2 a om ki i nwin u yak bikiñe bi bé yééne i ñombok, i mbok dikôa, yak ba ba bé yééne i tegep mbok* i nwelmbok u Kinéret; a om ki i nwin u yak bikiñe bi bi bé yééne i Séféla ni i minkoñ mi mi yé nyoo isi dikôa di Dôr+ i pes hiôñg, 3 a om yak Lôk Kanaan+ nwin, i pes likôl ni i pes hiôñg, ni Lôk Amôr,+ ni Lôk Hét, ni Lôk Péris, ni Lôk Yébus i i bé yééne i mbok dikôa, ni Lôk Hivi+ i i bé yééne isi hikôa Hermôn+ mu nkoñ u Mizpa. 4 Ha nyen ba bi lo ni mintôñ nwap mi gwét nwominsôna. Bisônda bi bé ngandak kiki lisege ipañ tuye, bi bééna ki ngandak bihosi ni bikak bi gwét. 5 I bikiñe bini gwobisôna bi bi nôgla le bi bomna; i mbus, gwobisôna bi yén ntôñ bebee ni malép ma Mérôm inyu jôs Israel gwét.
6 Ha nyen Yéhôva a bi kal Yôsua le: “U kon bañ bo woñi,+ inyule yani i nya ngéda ini, m’a ti bo i moo ma Israel, ñ, ni ga nol bobasôna. U ga kit minkañ mi makôô ma bihosi+ gwap, u ligis ki bikak gwap bi gwét.” 7 Jon Yôsua ni bôt bé ba gwét bobasôna ba bi puhe bo, ba leñ bo gwét ipañ malép ma Mérôm. 8 Yéhôva a ti bo i moo+ ma Israel. Bon ba Israel ba yémbél bo, ba noñ bo letee ni i Sidôn+ Nkeñi, letee ni i Misréfôt-Maim,+ ikepam i nsôsôgô u Mizpa* i pes likôl. Ba bi nol bo, ba yék+ bé mut to wada. 9 Yôsua a boñ kiki Yéhôva a bi kal nye; a kit minkañ mi makôô ma bihosi gwap, a ligis+ ki bikak gwap bi gwét.
10 Handugi hala, Yôsua a témb ni mbus, a yoñ Hazôr, a nol kiñe yé ni pansoñ;+ inyule kôba, Hazôr a bé ngim ane i i bééna ngui iloo i biane bi gwobisôna. 11 Bon ba Israel ba nol i bôt* bobasôna ba bé mu ni pansoñ, ba tjé+ ki bo. Mut to wada a bi yégle+ bé.* I mbus, Yôsua a ligis Hazôr. 12 Yôsua a yoñ i bitison bi gwobisôna, a nol ki bikiñe gwap ni pansoñ.+ A tjé+ gwo, kiki ngwélél Yéhôva le Môsi a bi kal. 13 Ndi bon ba Israel ba bi ligis bé bitison bi bi bé ñoñok i dikôa, ndik Hazôr; i tison ini yotama yon Yôsua a bi ligis. 14 Bon ba Israel ba yoñ nkus ba bi koba mu bitison bi, ba yoñ yak bilém.+ Ndi ba nol bôt bobasôna+ ni pansoñ letee ba tjé bo. Ba bi yék+ bé mut to wada i niñ. 15 I jam Yéhôva a bi kal Môsi jon Môsi a bi kal Yôsua; Yôsua+ a boñ jo. Yôsua a bi boñ yaga i mam momasôna Yéhôva a bi kal Môsi.+
16 Yôsua a yoñ i loñ ini yosôna, mbok dikôa, Négeb+ yosôna, nkoñ u Gôsen wonsôna, Séféla,+ Araba,+ ni mbok dikôa i Israel lôñni Séféla wé,* 17 ibôdôl i hikôa Halak, hi hi mbet i Séir, letee ni i Baal-Gad,+ i nsôsôgô u Libañ isi hikôa Hermôn.+ A gwel bikiñe gwobisôna bi minkoñ mi, a nol gwo. 18 Yôsua a jôs i bikiñe bi gwobisôna gwét ntandaa ngéda. 19 Tison to yada i bi kôp bé nsañ ni bon ba Israel, ndik Lôk Hivi i i bé yééne i Gibéôn.+ Bon ba Israel ba bi yoñ bini bitison bipe ni gwét.+ 20 Yéhôva a bi nwas le i bôt ba, ba bana minledek mi miñem,+ inyu boñ le ba jôs Israel gwét, le ndi bon ba Israel ba tjé bo, ibabé le ba kônôl bo ngoo.+ Ba bé lama tjiba, kiki Yéhôva a bi kal Môsi.+
21 Ha ngéda i nyen Yôsua a bi tjé Lôk Anak+ i i bé yééne i mbok dikôa, i Hébrôn, i Débir, i Anab, i mbok dikôa yosôna i Yuda, ni i mbok dikôa yosôna i Israel. Yôsua a bi tjé+ i bôt ba ni bitison gwap. 22 Man Lôk Anak to wada a bi yégle+ bé mu nkoñ u bon ba Israel; ba bi yégle ndik i Gasa,+ i Gat+ ni i Asdôd.+ 23 Hala nyen Yôsua a bi yoñ loñ yosôna, kiki Yéhôva a bi bôn Môsi.+ I mbus, Yôsua a ti bon ba Israel loñ le i ba ngababum yap, ni le i kéba inoñnaga ni matén+ map, hiki litén ni yé ngaba. Yak bôt ba loñ ba kahal niñ ikété nsañ, ngi gwét+ gwo ki gwo.