Yôsua
5 Ndik kiki bikiñe gwobisôna bi Lôk Amôr+ bi bi bé i pes hiôñg i Yordan,* ni bikiñe gwobisôna bi Lôk Kanaan+ bi bi bé ipañ tuye, bi bi yi le Yéhôva a bi boñ le malép ma Yordan ma sa i bisu bi bon ba Israel letee ba mal yap Yordan, bi nimis makénd+ map,* bi bana ha bé to ñem ngui inyule bi bé kon bon ba Israel+ woñi.
2 Ha ngéda i, Yéhôva a kal Yôsua le: “Boñ mangwende,* u kwee+ ki bon ba Israel inyu ngélé i nyônôs iba.” 3 Jon Yôsua a bi boñ mangwende, a kwee ki bôlôm ba Israel i Gibéat-Aralôt.*+ 4 Yôsua a bi kwee bo inyule bôlôm bobasôna ba litén ba ba bi nyodi i Égiptô, hala wee bôt ba gwét bobasôna, ba bi wo i ñoñ mu liké jap i ngéda ba bi nyodi i Égiptô.+ 5 I bôlôm bobasôna ba bi nyodi i Égiptô ba bé nkweebaga, ndi ba bobasôna ba bi gwééne i ñoñ mu liké jap i ngéda ba bi nyodi i Égiptô, ba bé bé nkweebaga. 6 Bon ba Israel ba bi ke i ñoñ 40 ma nwii+ letee litén jolisôna li wo, hala wee bôt ba gwét ba ba bi nyodi i Égiptô ndi ba nôgôl bé Yéhôva.+ Yéhôva a bi kum soñ le ba ga tehe bé i loñ+ nye Yéhôva a bi kumul basôgôlsôgôl bap soñ le a ga ti bés,+ loñ i i nkuli milik ni wéi.+ 7 Jon bon bôlôm bap bon Nyambe a bi jôbna mu loñ.+ I bon bôlôm ba bon Yôsua a bi kwee; ba bé ngi kweeba, inyule ba bi kwee bé bo mu njel.
8 I ngéda ba bi mal kwee bôlôm bobasôna, bon ba Israel ba yégle ha i homa ba bé yééne, letee ba mbôôp.
9 Ha nyen Yéhôva a bi kal Yôsua le: “I len ini, me mal héya i wonyuu bôt ba Égiptô ba bi lona i ngii nan.” Jon letee ni i len ini, ba nsébél i homa nu le Gilgal.*+
10 Bon ba Israel ba bi kônde yén ha i Gilgal; i kôkôa i hilo hi nyônôs 14 hi sôñ+ bisu, ba tégbaha Pasa nyoo i ñoñ u u nkéña Yérikô. 11 I kel i bé noñ Pasa, ba bôdôl je bijek bi loñ, hala wee bret bi ngi-séñha+ ni nwañak kôn. 12 I ngéda ba bi kahal je bijek bi loñ, ha nyen mana ma bi mal; ñ, bon ba Israel+ ba bééna ha bé mana. Ndi i nwii+ u, ba bi bôdôl je bijek bi loñ Kanaan.
13 I ngéda Yôsua a bé bebee ni Yérikô, kunda yada, a tehe mut+ a téé i bisu gwé; i mut nu a bi sodol pansoñ yé, a gwel yo i woo.+ Yôsua a ke i boma nye, a bat nye le: “Baa u yé i pes yés, tole u yé i pes i baoo bés?” 14 I mut nu a timbhe nye le: “Me nlo hana inyule me yé ñane ntôñ gwét u Yéhôva.”+ Ha nyen Yôsua a bi ôm maboñ ’isi, a ôm ki mbom ’isi, a kal nye le: “A Nwet wem, baa u gwé jam i kal me ngwélél woñ?” 15 Ñane ntôñ gwét u Yéhôva a timbhe Yôsua le: “Héya bitamb gwoñ, inyule i homa u tééne a yé mpubhaga.” Kunda yada, Yôsua a héya bitamb+ gwé.