Masoola Yôhanes a bi kôhna
12 I mbus hala, yimbne ikeñi i nene i ngii: Muda+ wada a bé a hééba* hiañgaa, sôñ i bé isi makôô mé, a bééna ntut u 12 tjôdôt i ño wé, 2 a bé jém. A bé lond inyu nkôôga wé ni inyu njôghe i gwal.
3 Yimbne ipe i nene i ngii. Nun-ki! Soso kômnyoo i nkôyôp kiki hié,+ i ban-ga miño minsaambok, ni jôm li bitoñ, lôñni mintut mi ane* minsaambok i miño nwé; 4 nwel wé u ñôt jôga jada ikété môga maa ma tjôdôt+ di ngii, a leñ ki tjo hana ’isi.+ Kômnyoo i yégle i téé i bisu bi muda+ nu a bé bebee ni gwal, inyu boñ le i ngéda a ngwal ndigi, i je man wé.
5 Muda a gwal man munlôm,+ nu a nlama ane biloñ gwobisôna lôñni ntoñgo kei.*+ Ha nyen man wé a bi pala yôña* nyoo ngii yak Nyambe, ni i yééne yé ane. 6 Muda a ke ngwéé i ñoñ, i het Nyambe a bi kôôbana nye homa, ni i het ba ga jés nye 1 260 dilo.+
7 Ndi gwét bi bôô nyoo i ngii: Mikael*+ lôñni biañgel gwé ba jôs kômnyoo, yak kômnyoo lôñni biañgel gwé ba jôs bo, 8 ndi ba bi yémbél bé,* to homa a nene ha bé inyu yap nyoo i ngii. 9 Jon soso kômnyoo+ i bi léña hana ’isi, nlômbi nyoo,+ yon ba nsébél le Nsohop+ ni Satan,+ nyen a nyumus nkoñ ’isi wonsôna;+ a bi léña i nkoñ ’isi,+ yak biañgel gwé bi léña lôñni nye. 10 Me nok kiñ ikeñi i nlôl i ngii, i kalak le:
“Nano tohi+ i mal lo, ni lipémba, ni Ane Nyambe wés,+ ni énél i Kristô wé, inyule nu a ñôm lôk kéé yés nsohi a bi léña hana ’isi, nyen a ñôm bo nsohi juu ni njamuha i bisu bi Nyambe wés!+ 11 Ndi ba bi yémbél nye+ ni matjél ma Man ntômba,+ yak ni mbôgi ba bi bok,*+ ndi ba bi gwés bé biniñ*+ gwap to i bisu bi nyemb. 12 Inyu hala nyen kona maséé, a ngii ni bé ba ni nyééne nyoo! Ngoo ni hisi lôñni tuye,+ inyule Nsohop a nsôs i bééni, a ban-ga hiun hikeñi, a yik le a gwé ndik ndék ngéda.”+
13 I ngéda kômnyoo i bi tehe le i nléña hana ’isi,+ i tééñga muda+ a bi gwal man munlôm. 14 Ndi ba bi ti muda bipapai biba bi soso nyôgôl+ inyu boñ le a puue inyu ke i ñoñ i homa wé, i het ba ga jés nye inyu ngim ngéda, ni mangéda, ni pes ngéda,*+ haa ni nyoo.+
15 Ha nyen nyoo i pémhene* malép i nyo wé i mbus muda, malép kiki lom inyu boñ le muda a yin mukété. 16 Ndi hisi hi lo i hôla muda, hisi hi yibil nyo wé, hi mil lom kômnyoo i bi pémés mu nyo wé. 17 Ha nyen kômnyoo i unbene muda ngandak, i ke i jôs i bôt ba nyégle ikété mbôda*+ muda gwét, ba ba nôgôl mambén ma Nyambe, ba ban-ga nson i bok mbôgi inyu Yésu.+