Tjémbi
A Yéhôva Nyambe wem, u yé mpémba kiyaga!+
U yé ñeñgbak ni bikeñi,* yak ni bilama.+
6 U bi hô hisi ni ndip malép wengoñle u nhô hio ni mbot.+
Malép ma bé i ngii dikôa.
7 I ngéda u bi kônd mo, ma bi ke ngwéé;+
i ngéda ma bi nok we u mbam kiki mbambat, ma so, ma sehlaga.
8 Inyu hala nyen dikôa di bi nene*+ i homa u bi tééne tjo,
yak minsôsôgô mi tima* i homa u bi tééne nwo.
9 U bi tééne malép nwaa le ma lela bañ wo,+
inyu boñ le ma hô ha bañ hisi.
10 U ñep malép mu mangen ma ma yé ikété minsôsôgô;*
ma nkuli ipôla dikôa.
11 I mangen ma, ma nti binuga bi bikai gwobisôna malép;
mu nyen magas ma bikai ma nyôl letee nyus i mal bo.
12 Dinuni di ngii di ñôñôl mumbul map mu bie bi bi yé bebee ni malép;*
di ntubul mu mintjep.
13 U* nyus dikôa malép ma ma nlôl nyoo i bituñ gwoñ bi ngii.+
U* nuus hisi ni matam ma minson nwoñ.+
14 U* néñés bikai inyu bilém,
yak bisélél inyu hôla bôt ba binam+
i sal hisi le ndi hi ti bijek,
15 yak wai inyu kônha ñem mut maséé,+
môô ki inyu béyés su wé,
16 Bie bi Yéhôva bi nuu,
bie bi sidar bi Libañ, bi a bi bel,
17 i homa dinuni di ñôñôl mumbul map.
Ndap i nyodol lom+ i yéne mu bie bi junipa.*
20 U nlona jiibe, yak u u sude,+
ha nyen binuga bi bikai gwobisôna bi mpam.
22 I ngéda hiañgaa hi mpam,
ba nsolop, ba nañal mu bihôk gwap.
23 Mut binam a nke i bôlô,
a nsal ni ngui letee ni kôkôa.
24 É minson nwoñ mi mbôl, a Yéhôva!+
U bi hek mam momasôna ni pék.+
Hisi hi yôni ni mam u bi boñ.
25 Tuye a yé, a bak nkeñi, a abak,
mu nyen bihégél bi niñil, bikeñi ni bititigi,+ bi bi gwé bé nsoñgi.
27 Gwobisôna bi mbem we,
le u ti gwo bijek gwap i loñge ngéda.+
28 I gwom u nti gwo, bi nkot+ gwo.
I ngéda u nyibil woo woñ, bi nuu gwom bilam.+
29 I ngéda u nsôô su woñ, bi nsehla.
I ngéda u nhéya gwo nhébék,* bi nwo, bi témb ki nluñ ték.+
31 Lipém li Yéhôva li ga nom i boga ni boga.
Yéhôva a ga kônôl minson+ nwé maséé.
33 M’a tubul Yéhôva+ tjémbi niñ yem yosôna,
m’a tubul Nyambe wem tjémbi di bibégés* ntel wonsôna me niñ.+
34 Mahoñol mem ma lémlak nye!*
M’a kon maséé inyu mam Yéhôva a bi boñ.
35 Baboñbéba b’a tjiba hana ’isi,
yak bibéba bi bôt bi ga ba ha bé.+