Yésaya
33 Ngoo ni we, a ntjé-bôt nu a yé ngi tjiba;+
a mut nliba nu ba yé ngi liibana!
I ngéda u mal tjé, yak we u ga tjiba.+
I ngéda u mal liibana bôt, yak we ba ga liibana we.
2 A Yéhôva, kônôl bés ngoo.+
Wen di mbôdôl ñem.
3 I ngéda matén ma nok mbimba yoñ ma nke ngwéé.
I ngéda u ntelep, biloñ bi nsanda.+
4 Kiki bitandi bi nsas hiki yom mu njel yap, hala nyen bôt ba ga kena nkus woñ;
bôt ba ga ôñla wo kiki liuñ li bitandi.
5 Yéhôva a ga kôhna lipém,
inyule a nyééne i bahoma ba nyôgi.
A ga boñ le Siôn a yon ni mbagi sép, yak ni telepsép.
6 Nyen di nla bôdôl ñem ngéda yosôna;
tohi ikeñi,+ pék, yi, ni likon Yéhôva woñi+
gwon bi yé masôô mé ma nkus.*
7 Nuna-ki! Bajogwét bap bakeñi ba mbégél i minloñ;
balegel manwin ma nsañ ba ñee ngandak.
8 Minloñ mi yé hôlô;
mut to wada a nôñôl bé i manjel.
9 Loñ i yé ikété maéya,* i nyuyi.
Libañ a nwo nyuu;+ a mbol.
Sarôn a nyila kiki ñoñ,
tjai di Basan ni di Karmel di nkudi.+
11 Ni nembee minumuk mi bikai, ni gwal bakalô.
Mahoñol* manan ma ga ligis bé kiki hié.+
12 Matén ma ga lék kiki washwash* le i mpél.
Ba ga loñ kiki biloo le mut a nkit, a ha gwo hié.+
13 A bé ba ni yé haa, emblana i jam me ga boñ!
A bé ba ni yé bebee, yina le me gwé ngui!
‘Njee ikété yés a nla niñ i homa hié hi nloñ ni ngui?+
Njee ikété yés a nla niñ i homa lindômbôô li hié li nlém bé?’
15 I mut a noñ telepsép hiki ngéda,+
a mpot i jam li téé sép,+
a ntjél gwélél malôga ni bitembee inyu kôhna yéñe,
moo mé ma nleege bé bitek, a nyoñ bé gwo,+
a nlô maôô mé le a emble bañ bipék bi manola,
a nyip mis le a tehe bañ mam mabe;
16 i nya mut i, i ga yééne i bahoma ba nyôgi;
bañga yé lisolbene* i ga ba ikété maaa,
a ga bana bret,
yak malép ma ga héñél bé nye.+
17 Mis moñ ma ga tehe kiñe ikété bilama gwé;
u ga tehe loñ i i yé haa.
18 Ikété ñem woñ, u ga hoñol* i ngéda u bé kônôl woñi, u ga badba ki le:
“Mut matila a yé hee?
I mut a nhek tas i kilô a yé hee?+
I mut a nsoñgol minkum mi mandap a yé hee?”
19 U ga tehe ha bé litén li bôt ba lipamal,
litén li li gwé hop u u yé ndutu* i nok,
litén li bôt ba ba nkigbe kayéle u nla bé nok bo.+
20 Béñge ki Siôn nunu, tison i mangand més!+
Mis moñ ma ga tehe Yérusalem, liyééne li li yé nwee,
lap le ba ga héya ha bé.+
Ba ga nup ha bé bikék gwé,
nkôô wé to wada u ga tiñla ha bé.
21 Nyoo nyen Yéhôva Nu lipémba,
a ga bane bés kiki nkoñ u u gwé balom ni diléléba dikeñi,
i het môñgô ba nluk ni bipagô u nke bé,
to sitima ikeñi yo ki yo i ntagbe bé.
22 Inyule Yéhôva a yé Nkéés+ wés,
Yéhôva a yé Ntéé-mambén+ wés,
Yéhôva a yé Kiñe+ yés;
nyen a ga tohol+ bés.
23 Minkôô nwoñ mi ga hohla;
jél li sitima li ga yégle bé bitétéé, to mabadô mé ma ga wandla bé.
Ha ngéda i, ba ga kabna ngandak nkus u baoo bap;
yak bibôk bi bôt bi ga kôhna ngaba ikeñi.+
24 Mut nye ki nye a ga kal bé le: “Me nkon.”+
I bôt ba nyééne mu loñ, ba ga kôhna nwéhél inyu bibéba gwap.+