Kaat Éfésô

2 Handugi hala, Nyambe a bi témbna bé i niñ, to hala kiki ni bé nwok inyu mahôha ni bibéba binan,+ 2 bi ni bé boñ* i ngéda kôba, ni noñok maboñok ma nkoñ ’isi unu,*+ ni noñok ñane nu a gwé ngui i énél mbebi,+ hala wee mbuu+ u u nsal nano ikété bon ba ngimanôgla. 3 Ñ, ipôla yap nyen yak bésbobasôna di bé boñ mam kôba inoñnaga ni minheña mi minsôn nwés,+ di boñok sômbôl i minsôn ni i mahoñol més,+ di bak bôt ba kôli ni hiun+ hi Nyambe* ibôdôl i ligwéé kiki bana bôt bape. 4 Ndi Nyambe a yé ngwañ ikété konangoo yé;+ inyu gwéha ikeñi a bi gwés bés,+ 5 a bi témbna bés i niñ, a at bés lôñ yada ni Kristô, yak i ngéda di bé nwok inyu mahôha més;+ ni bi tohlana ni njel konangoo i mbuma ñañ. 6 Handugi hala, a bi tugul bés lôñ yada ni nye, a boñ ki le di yén lôñni nye nyoo ngii, ikété adna ni Kristô Yésu,+ 7 kayéle i mangéda ma nlo,* a unda sôkbôk lingwañ li konangoo yé i mbuma ñañ ikété loñgeñem* a gwé inyu bés ba di yé ikété adna ni Kristô Yésu.

8 Inyu konangoo i mbuma ñañ ini nyen ni bi kôhna tohi ni njel hémle;+ hala a ta bé liboñok linan, ndi hala a yé likébla li Nyambe. 9 To, hala a nlôl bé ni minson,+ le ndi mut to wada a bana bañ njom i kadba. 10 Di yé nson u moo* ma Nyambe, di bi héga+ ki ikété adna ni Kristô Yésu+ inyu gwel minson minlam, mi Nyambe a bi bôk a téé inyu yés le di gwel.*

11 Jon a bé bôt ba matén i pes minsôn, bigdana le i ngéda kôba, i bôt ba nséblana le “minkweebaga” ba bé sébél bé le “bongikweeba,” i bak le moo ma bôt ba binam mon ma nkwee minsôn. 12 Ha ngéda i, ni bééna bé Kristô, ni bak haa ni libak li man Israel, ni bak ki bakén i malômbla ma mbônga;+ ni bééna bé botñem, ni bééna bé to Nyambe munu nkoñ ’isi.+ 13 Ndi nano, ni yé ikété adna ni Kristô Yésu, bé ba ni bé haa i ngéda kôba, ni ntiige bebee ni njel matjél ma Kristô. 14 Inyule nyen a yé nsañ wés,+ nye yaga nyen a bi yilha mintôñ mi bôt nwo ima jam jada,+ a bôk ki lipénd li bé bagal i mintôñ mini.+ 15 Ni njel minsôn nwé, a bi mélés i jam li bé lona ôa, hala wee mbén Môsi i i gwé mambén ni matéak, inyu boñ le mintôñ mi bôt nwo ima mi mi yé ikété adna ni nye mi yila mut yondo wada,+ mi kôp ki nsañ, 16 le ndi a tibil sañgal matén mo ima le ma ba nyuu yada inyu Nyambe ni njel kék njiiha,*+ inyule a bi nol ôa+ ni njel yé. 17 A bi lo ki, a añal ñañ nlam u nsañ inyu bé ba ni bé nonok, ni inyu bôt ba yé bebee, 18 inyule ni njel yé, bés matén mo ima, di gwé pôla i kôôge Nyambe bebee ni njel mbuu wada ibabé le jam li kéñ bés njel.

19 Jon ni ta ha bé bakén ba bôt to biyoyo,+ ndi ni yé bon ba loñ+ lôñni bapubhaga, ni yé ki bôt ba ndap lihaa i Nyambe,+ 20 ni bi ôña ki i ngii hikuu hi baôma ni bapôdôl,+ Kristô Yésu nyemede a bak ngok likas i hikuu.+ 21 Ikété adna ni nye nyen maoñ momasôna, ma ma yé noñgaga loñge,+ ma nkônde bet inyu yila témpel pubhaga inyu Yéhôva.*+ 22 Ikété adna ni nye ki nyen yak bé ni yé i ôña lôñ inyu ba homa Nyambe a nyééne ni njel mbuu.+