Hiôb
21 Hiôb a timbhe le:
2 “Emblana yaga i yom me nkal bé;
ndik hala nyen ni nla hôgbaha me.
3 Nwaha me le me pot;
i ngéda m’a mal pot, ha nyen ni ga la ndegle me.+
4 Baa mut binam nyen me ntjeelene?
Ibale hala, baa ki me* nwaa bé hônba?
5 Ni béñge me, ha nyen n’a hel,
ni yip manyo manan.*
6 I ngéda me nhoñol i mam ma, hala a ntééñga me,
yak nyuu yosôna i nsehla me.
8 Bon bap ba yé ipañ yap ngéda yosôna,
ba ntehe yak bon ba bon bap.
9 Ba niñ nwee ikété mandap map ngi woñi wo ki wo,+
to Nyambe a nkogse bé bo ni ntoñgo wé.
10 Balôm bap ba nyaga ba gwé ngandak bon,
inyule miñin nwap mi nyaga mi ngwal, mém ma nso bé nwo.
11 Bon bap batitigi* ba yé kiki bémba i mintômba, i i nke ngwéé i mbégdé,
bon bap ba ntuk ki, ba bak maséé.
14 Ndi ba nkal bañga Nyambe le: ‘Nwas bés nwee!
Di gwé bé ngôñ i yi manjel+ moñ.
15 Nu ngui yosôna a yé njee le di gwélél nye?+
Umbe nseñ di nkôhna i yi nye?’+
16 Ndi me nyi le ni ngui yap bé nyen mam ma nke loñge+ inyu yap.
Mahoñol* ma bibéba bi bôt ma yé haa ni me.+
17 Hala a ma bôña ngélé yañen le lambe i bibéba bi bôt i lém?+
Hala a ma bôña ngélé yañen le bikuu bi kwél bo?
Hala a ma bôña ngélé yañen le Nyambe a unbene bo, a tjé ki bo?
18 Baa ba ma yila kiki minumuk mi bikai mbebi i nkena,
ni kiki bikôgôô* bi blé le mbuk mbebi a mbegee?
19 Nyambe a ga kogse bon ba béba mut inyu béba i isañ wap.
Ndi Nyambe a saa yak béba mut yomede, inyu boñ le a yi le a mboñ béba.+
20 Nyemede a tehe tjiba yé ni mis mé,
le nye ki nyen a nyôl mu libôndô li hiun li Nu ngui yosôna.+
21 Hala a nhôla kii nye i yi yom y’a yik pémél bon bé* i mbus nyemb yé,
ibale a ngi gwé ndik ndék ngéda i niñ,*+
ki le nyen a nkéés yak ba ba nlôôha ba i ngii?+
23 Mut wada a nwo ni ngui yé yosôna,+
a ban-ga bé nduña yo ki yo, a bak toi nwee,+
24 mabel mé ma bak nyonok ni mahoñ,
yak bihés gwé bi ledek kôñ kôñ.*
25 Ndi ngandak nduña yon i nol mut numpe,
nye ngi noode mam malam.
28 Inyule ni nkal le: ‘Ndap i bañga mut i yé hee,
yak ndap libadô i het béba mut i bé yééne i yéne hee?’+
29 Baa ni mbat bé bake liké mahoñol map?
Baa ni nhémle bé i mam* ba nkal,
30 le ba mpéyés béba mut i kel bikuu,
ni le ba ntohol nye i kel hiun?
31 Njee a ga kônd nye inyu liboñok jé?
Njee ki a ga saa nye inyu jam a mboñ?
32 I ngéda ba ga kena nye i wom soñ,
ba ga tat soñ yé.
33 Biték bi nsôsôgô* bi ga nél nye,+
yak bôt ba binam bobasôna ba ga noñ nye i mbus,*+
nlélém kiki hala a bi bôña ni ngandak bôt i i bi bôk nye bisu.
34 Inyuki ni nhôgbaha me ni bipôdôl bi bi gwé bé nseñ?+
I mam momasôna ni nkal ma yé ndik bitembee!”