Bakéés
5 I kel i, Débôra+ bona Barak+ man Abinôam, ba bi tôp i hiémbi+ hini:
2 “Hala kiki bajogwét ba Israel ba nhohol tjôñ tjap,*
yak bôt ba loñ ba nti bomede nkikip,+
béghana Yéhôva!
3 Emblana, a bikiñe! Sédna ôô, a baane!
Me ga tubul Yéhôva+ hiémbi.
Me ga tôp hiémbi hi bibégés* inyu Yéhôva, Nyambe nu Israel.+
4 A Yéhôva, i ngéda u bi nyodi i Séir,+
i ngéda u bi hebi i nkoñ u Édôm,
hisi hi bi nyeñg, ngii i nôs nop,
ond i ti malép.
5 Dikôa di bi nyimbi* i bisu bi Yéhôva,+
yak hikôa Sinai hi bi nyimbi i bisu bi Yéhôva,+ Nyambe nu Israel.+
6 I dilo di Samgar+ man Anat,
i dilo di Yael,+ minloñ minkeñi mi bé hôlô;
bake liké ba bé kil i dinjela.
7 Bôt ba bé ha bé mambai ma Israel;
bôt ba bé ha bé, letee me Débôra+ me telep,
letee me telep kiki nyañ bon i Israel.+
Ba bé tehe bé ben, to pansoñ,
inyu 40 000 bisônda i Israel.
Béghana Yéhôva!
10 A bé ba ni nkil i magas,
a bé ba ni yiine i bañga bibuñga,
a bé ba ni nkil i minloñ,
ôda mahoñol mu jam lini!
11 Makiñ ma bôt ba nti bilém malép, ma bé nôga i maébél ma malép;
nyoo nyen ba ñañal maboñok ma telepsép ma Yéhôva,
maboñok ma telepsép ma bôt ba nyééne i mambai ma Israel.
Inyu hala nyen litén li Yéhôva li nke i manwemel ma bitison.
12 Tôde, tôde, a Débôra!+
Tôde, tôde, tôp hiémbi!+
Telep, a Barak!+ Kena bôt boñ ba mok, a man Abinôam!
13 Ba ba bi yégle, ba bi ke yak mintôô mi bôt;
litén li Yéhôva li bi lo i meeni inyu jôs mimpémba mi bôt.
14 I bôt bana ba nlôl i Éfraim, ba nyééne i nsôsôgô;*
ba yé i noñ we, a Benyamin, ipôla bôt boñ.
Ibôdôl i Makir+ baane ba mintôñ mi gwét ba bi sôs,
yak ibôdôl i Zébulôn i bôt ba mbegee ntoñgo* u mut nu a mpohol bisônda.
15 Baane ba Isakar ba bé ni Débôra,
kiki Isakar a bé, hala nyen yak Barak+ a bé.
Ba bi om nye le a kee i tegep mbok* ni makôô.+
Ikété mandap ma bikôkôa ma Ruben, pééna i bé bôt i ñem.
16 Inyuki u bi yén i ngii jagas, ipôla bibot biba,
u emblege kiki batat bilém ba nhem hikos inyu bilém+ gwap?
Ikété mandap ma bikôkôa ma Ruben, pééna i bé bôt i ñem.
Ndi ba bi yoñ+ bé silba.
20 Nyoo i ngii, tjôdôt di bi jo;
nyoo liyééne jap, di bi jôs Siséra.
Me* bi tidbe mimpémba mi bôt.
22 Bipal bi bihosi bi bi kumb ’isi,
i ngéda balôm ba bihosi ba bé ke ngwéé.+
23 Añgel i Yéhôva i bi kal le: ‘Tiihana Mérôs,
ñ, tiihana i bôt ba nyééne i nyeni,
inyule ba bi lo bé i hôla Yéhôva,
ba bi lona bé mimpémba nwap mi bôt i hôla Yéhôva.’
24 Yael,+ nwaa Héber+ man Lôk Ken,
a yé nsaibak iloo bôda bobasôna;
a yé nsaibak iloo bôda bobasôna ba nyééne i mandap ma mabadô.
25 Siséra a bi bat nye malép; a ti nye milik.
A ti nye milik*+ ikété libôndô li li yé inyu mangand makeñi.
26 Ni woo wé, a bi yoñ mpomok kék u ndap libadô,
ni woo wé walôm, a yoñ hama i bagwelnson.
A bép Siséra hama, a bol nye ño,
a tôp nye mapañ ma ño,+ a nyagat mo.
27 A bi kwo ipôla makôô mé; a bi kwo, a kida ’isi;
a bi kwo ipôla makôô mé, a nañlene ha;
i homa a bi kwél, ha nyen a bi wél.
28 Muda wada a bé béñgne i winda,
nyañ Siséra a bé peble i mapondo ma winda:
‘Inyuki kak yé gwét i ntiñha lo?
Inyuki me nogok bé kiki bipal bi bihosi bi kak yé bi nkumb ’isi?’+
29 Bôda bé, ba ba nlôôha ni pék ikété mintôô nwé mi bôda ba bé timbhe nye;
ñ, yak nyemede a podok mu ñem wé le:
30 ‘Bebek ba yé i kabna nkus ba nkadal,
ngond muda yada,* bingond bi bôda biba* inyu hiki njogwét,
nkus u mabadô ba nhoo tinti inyu Siséra; ñ, mabadô ba nhoo tinti,
mbot le ba mage, libadô le ba nhoo tinti, mambot ima le ba mage
inyu eñg joo li bakabna nkus.’
31 A Yéhôva, baoo boñ bobasôna ba nlama wo,+
ndi i bôt ba ngwés we ba ba kiki hiañgaa hi hi mpam ikété lipém jé.”