Bingéngén
1 Mangén ma Salômô,+ man David,+ kiñe Israel:+
2 Mangén mana ma bi tilba inyu niiga* pék+ ni mabéhna;
inyu nôgha bôt bipôdôl bi pék;
3 inyu kôhna bikodlene+ bi bi nlona pék,
telepsép,+ liyi yoñ makidik*+ lôñni mbagi sép;*
4 inyu hôla bôt ba ngiyi le ba yoñ yihe;+
inyu hôla mañge wanda i bana yi, ni i tibil wan mam.+
5 Mut pék a ñemble, yi+ yé i kônde ki keñep;
i mut a mpala nok a nigil i kena mam;*+
6 inyu nok ngim ngén ni jam li li ta bé ntoñlak,
7 I kon Yéhôva woñi* i yé bibôdlene bi yi.+
Ndik bijôñ bi bôt gwon bi nyan pék ni mabéhna.+
10 A lok yem, ibale baboñbéba ba nyéñ le u noñ bo, u neebe bañ.+
11 Ibale ba nkal we le: “Di kenek.
Di amb bôt inyu kôp matjél.
Di solop, di hes bôt ba yé nginsohi, di boñ hala inyu boñ minjôha.
12 Kiki Soñ,* di ga mil bo yômi,
di mil bo ngim kiki bôt ba ba nsôs i bee.
13 Di kadal tik yap gwom yosôna;
di yônôs nkus wap i mandap més.
15 A lok yem, u noñ bañ bo.
17 Nseñ u ta bé le mut a amb hiandi i ngéda hinuni hi mbéñge nye.
18 Inyu hala nyen baboñbéba ba ñamb bôt inyu kôp matjél;
ba solbak inyu nol* bôt bape.
19 Hala nyen i bôt ba mboñ mam mabe inyu kwo ngwañ, ba mboñ,
ndi ba ga nimis niñ yap inyu kôhna+ i lingwañ li.
20 Bañga pék+ i nlond i minloñ.+
I nwaa bé bédés kiñ i mbamba.+
21 I nlond i makanda* ma nloñ i het liyôgbe li yé.
I kalak i majubul ma tison le:+
22 “A bôt ba ngiyi, letee ni ngéda mbe n’a gwés ngiyi?
A bôt ba minjôha, letee ni ngéda mbe minjôha mi ga lémél bé?
A bijôñ bi bôt, letee ni ngéda mbe n’a oo yi?+
Ha nyen m’a kôp bé mbuu wem;
m’a boñ le ni yi bipôdôl+ gwem.
24 Inyule me nlond, ndi ni nai ni ndok,
me nlek woo, ndi mut a mbéñge bé.+
25 Ni nyan maéba mem momasôna,
ni ntjél yak mabéhna mem.
26 Yak me m’a nol hiol i ngéda mandutu m’a kwél bé;
m’a jôha bé i ngéda i jam ni nkon woñi li ga lo,+
27 i ngéda i jam ni nkon woñi li ga lo kiki mbuk mbebi,
ndutu nan i ga kwél bé kiki nop nkeñi,
i ngéda béba jam ni njiiha bi ga kwél bé.
28 Ha ngéda i, ba ga sébél me ndi m’a timbhe bé;
ba ga yéñ me ni nwai, ndi ba ga tehe bé me,+
29 inyule ba bi oo yi,+
ba bi pohol bé i kon Yéhôva woñi.+
30 Ba bi tjél maéba mem;
ba bi yan mabéhna mem momasôna.
32 Inyule yimil i bôt ba ngiyi i ga nôlha bo,
yak ngeñee i bijôñ bi bôt i ga kena bo i tjiba.