Tjémbi
Hiémbi hi David.
141 Éé a Yéhôva, me nlôndôl* we.+
Lo pala hôla me.+
Sédne me ôô i ngéda me nlôndôl we.+
2 Masoohe mem ma ba kiki binjinjiñ+ ba nlamb loñge inyu bii gwo i bisu gwoñ,+
minyemhe nwem mi ba kiki likébla li bijek li kôkôa.+
3 A Yéhôva, téé ntat i nyo wem,
téé mut faa i likôga li bibép+ gwem.
4 U nwas bañ le ñem u tinde me i boñ jam libe+ jo ki jo,
i boñ mam mabe ni bibéba bi bôt;
kekikel, me jek bañ bijek gwap bilam.
5 Ibale mut a téé sép a mbép me, ki hala a ga unda le a ngwés+ me;
ibale a nkônd me, hala a ga ba kiki môô i ngii ño+ wem,
môô le ño wem u ga tjél bé kekikel.+
Yak i ngéda a ga boma bikuu, m’a téñbe i soohe inyu yé.
6 Nyoo ngii maaa nyen bakéés ba ga léña ’isi,
ndi bôt ba litén ba ga emble bibañga gwem inyule bi yé bilam.
7 Nlélém kiki i ngéda mut a nsal hisi, a nyugdak ki hio,
hala nyen ba bi tjam bihés gwés mu mapañ ma Soñ.*
8 Ndi wen mis mem ma mbéñge, a Nwet Bayemlikok le Yéhôva.+
Me nsolbene i weeni.
U nwas bañ le me wo.
9 Sôñ me le me kwo bañ mu hiandi* ba ñamb inyu yem,
mu dipa di baboñbéba.