Tjémbi
Biniigana inyu ñéga kôa; nsik ba nkôt lôñni bikôkôda bi manganda. Hiémbi hi Asaf.+ Ntuba.
2 Lap yé i yé i Salem.+
Yak liyééne jé li yéne i Siôn.+
3 Nyoo nyen a mbôk makoñ ma mpihlôñgô,
a mbôk ki ben, pansoñ, ni bijôl bi gwét.+ (Selah)
4 A Nyambe, u mbai kiyaga;*
lipémba joñ li nloo lipémba li dikôa i homa binuga bi bikai bi nyééne.
5 I gwom gwobisôna bilôs bi bôt bi bééna, bi bi kadlana.+
7 Wetama nyen u nkônha woñi.+
Njee a nla ntelep i bisu gwoñ i ngéda u nkala ni hiun?+
8 I ngii nyen u bi pémhene mbagi;+
bôt ba hisi ba bi kon woñi, ba mom nwee+
9 i ngéda Nyambe a bi telep inyu pémés mbagi,
inyu tohol bôt ba suhulnyuu bobasôna ba hisi.+ (Selah)
10 I ngéda bôt ba ñunup, hala a nti pôla le u kôhna bibégés;+
i ngéda bôt ba ngi lugdaga ni hiun, hala a yé njel le u kôhna lipém.
11 Ni kégél Yéhôva Nyambe nan makak, ni yônôs ki mo;+
ba bobasôna ba yé nye ipañ ba lona nye makébla, ba kon ki nye woñi.+
12 Baane ba ba ngôgôp, a ga wéha bo nyuu;
a nkônha bikiñe bi ’isi woñi.