Yésaya
24 Nuna-ki! Yéhôva a yé i boñ le loñ* i yégle hôlô, i yégle ki nso.+
A ntjé yo,*+ a sand ki i bôt ba nyééne mu.+
2 I nlélém jam won w’a pémél bôt bobasôna:
mut loñ ni biprisi,
ngwélél nu munlôm ni isañ wé bôlô,
ngwélél nu muda ni nyañ wé bôlô,
nu a nsomb ni nu a nuñul,
nu a mpôôs ni nu a mpoo,
nu a mbat mapil ni nu a gwé mapil.+
4 Loñ i yé ikété maéya;*+ i ñôbi.
Hisi hi nwaa; hi nti ha bé bijek.
Mintôô mi bôt mi loñ mi gwééba ha bé.
6 Inyu hala nyen ndiihe i yé i tjé loñ,+
bôt ba nyééne mu ba gwé nsohi.
Inyu hala nyen nsoñgi u bôt u nsôs,
ndék bôt yon i nyégle.+
8 Tjémbi di maséé di bôt ba nkôt dingoma di mal;
liyôgbe li bôt ba yé i ngand li ta ha bé;
tjémbi di maséé di bôt ba nkôt diluñ di mal.+
9 Ba nyo wai ibabé i tôp tjémbi,
bôt ba nyo maok ndi ma nlôlôl bo.
10 Tison i i nyégle hôlô, i ntjiba;+
hiki ndap i yé nkwéhék, mut a nla bé jôp.
11 Bôt ba nlond i minloñ inyule wai i ta bé.
Maséé momasôna ma mal;
i maséé ma bé i loñ, ma ta ha bé.+
12 Tison i nyila likund;
nwemel u nyugda, u yila nwind binan.+
13 Inyule munu loñ ini, ikété matén, mam ma ga ba
kiki i ngéda ba mbép mintjep mi e ôlivé le matam ma kwoo,+
kiki mut a mbada matam ma nkôô wai i ngéda libumbul li mal.+
14 Bôt ba ga bédés makiñ,
ba ga leñ diléla.
Ibôdôl i tuye* ba ga añal lipém li Yéhôva.+
15 Inyu hala nyen ba ga ti Yéhôva lipém i nkoñ u mapubi;*+
ba ga ti jôl li Yéhôva Nyambe nu Israel lipém i biôn bi tuye.+
16 Di nok tjémbi di nlôl i masuk ma hisi, di kalak le:
“Lipém* li ba ni Nu a téé sép!”+
Ndi me kal le: “Ngui i mal me, ngui i mal me!
Ngoo ni me! Bôt ba nliba ba nliibana bôt;
ni malôga bôt ba nliba ba nliibana bôt.”+
17 A we nu u nyééne mu loñ, woñi, bibee ni tjandi gwon bi mbem we.+
18 I mut a ga ke mbimba i i nkônha woñi ngwéé, a ga kwo ikété bee,
I ngéda makôga ma ngii ma ga yibla,
dikuu di loñ di ga nyeñg.
20 Loñ i ndiñg kiki mut le a nhiôô maok,
i ndeñg ini pes ni ii kiki lap le mbebi i mpôgôs.
Béba yé i nyidil yo,+
i ga kwo kayéle y’a telep ha bé.
21 I kel i, Yéhôva a ga kogse ntôñ gwét u ngii,
yak ni bikiñe bi hisi.
22 A ga kot bo
kiki ba nkot bôt ba mok ikété bee,
a ga kwéhne bo i ndap mok;
i mbus ngandak dilo, a ga kogse bo.