Tjémbi
96 Tublana Yéhôva hiémbi hi mondo.+
Tublana Yéhôva hiémbi, a bé bôt ba hisi bobasôna!+
2 Tublana Yéhôva hiémbi; béghana nye.*
Añlana ñañ nlam u tohi yé hiki kel.+
3 Añlana lipém jé ikété biloñ,
minson nwé mi hélha ikété matén momasôna.+
4 Yéhôva a yé mpémba, a kôli ki le di bégés nye ngandak.
A kôli le di kon nye woñi iloo banyambe bape bobasôna.
7 Tina Yéhôva lipém li li kôli ni nye, a bé mahaa ma matén,
tina Yéhôva lipém li li kôli ni nye inyu lipémba jé ni ngui yé.+
8 Tina Yéhôva lipém li li kôli ni jôl jé;+
lonana likébla, jôba ikété bikotoo bi ndap yé.
9 Ôôbana i bisu bi* Yéhôva ni mambot mapubhaga.*
Sehlana i bisu gwé, a bé bôt ba hisi bobasôna!
10 Añlana ikété biloñ le: “Yéhôva a nyila Kiñe!+
Hisi hi umi siñ siñ; hi ta bé le hi piñgla.
A ga kéés matén ni telepsép.”+
11 Ngii i konok maséé, yak hisi hi hagak!
Tuye a ômôk, yak ni gwom gwobisôna bi yé mukété;+
12 nwom ni gwom gwobisôna bi yé mu bi konok maséé!+