Yôsua
20 I mbus hala, Yéhôva a kal Yôsua le: 2 “Kal bon ba Israel le: ‘Ni pohol bitison bi lisolbene+ kiki me bi kal Môsi, 3 inyu boñ le i mut a nol mut numpe, ki le a gwéhék bé nol nye, tole a nol nye ngi kôôba, a kee ngwéé nyoo. I bitison bi, bi ga hôla bé i solop mpun matjél.+ 4 I mut a nol mut ngi kôôba a nlama ke ngwéé i tison yada mu,+ a telep i lijubul+ li tison, a añle mimañ mi tison i jam li ntagbe. Ha nyen mimañ mi ga leege nye i tison, mi ti nye homa inyu yén le a niñ ni bo. 5 Ibale mpun matjél a yé i noñ nye, mimañ mi nlama bé ti i mut nu i moo ma mpun matjél, inyule a bi nol mut wé libôk ngi kôôba, a bé oo bé to nye.+ 6 A nlama yén mu tison i letee ba bagal nkaa wé i bisu bi bakéés ba ntôñ,*+ a nlama ki yégle mu letee prisi keñi+ i wo, i i ngwel nson mu dilo di. I mbus mam mana nyen i mut a bi nol mut wé libôk a yé le a témb i tison a bi nyodne ndi a ôt ngwéé; ha nyen a ga jôp i tison yé, ni i ndap+ yé.’”
7 I bitison bini gwon ba bi pohol:* Kédes+ ikété Galiléa, nyoo i mbok dikôa i nkoñ u Naftali; Sikem,+ nyoo i mbok dikôa i Éfraim; ni Kiriat-Arba,+ hala wee Hébrôn, nyoo i mbok dikôa i Yuda. 8 I bitison bini gwon ba bi pohol mu nkoñ u Yordan, i pes i Yérikô: Bézer+ nyoo i ñoñ, i tegep mbok, mu nkoñ u litén li Ruben; Ramôt+ ikété Giléad, mu nkoñ u litén li Gad; ni Gôlan+ ikété Basan, mu nkoñ u litén li Manasé.+
9 I bitison bini gwon ba bi pohol inyu bon ba Israel bobasôna ni inyu bakén ba bôt ba ba bé niñ ni bo, inyu boñ le nu ni nu a nol mut ngi kôôba a la kil ngwéé nyoo,+ le mpun matjél a nol bañ nye, bo ngi bagal nkaa wé i bisu bi likoda.+