Bingéngén
6 A man wem, ibale u neebe le u nsaa pil u* mut woñ libôk,+
tole ibale u nyegna* ni nkén mut,+
2 ibale u nkwo i hiandi hi mimbônga nwoñ,
u gwiya* ni bibañga bi nyo+ woñ,
3 wee boñ i jam lini, a man wem, inyu boñ le u pamba,
inyule u nkwo i moo ma mut woñ libôk:
kee yak mut woñ libôk,+ u suhul nyuu, u yemhe ki nye.
4 U ke bañ ’ilo,
u yip bañ to mis.
5 Kobla kiki sô titigi i i ntohla i moo ma mut nsômbi,
tole kiki hinuni i moo ma nnol dinuni.
6 A mut yeñgi,+ kee yak hison;
béñge kiki hi mboñ, yak we u yila mut pék.
7 To hala kiki hi gwé bé ñane, to nti oda, to ñéga,
8 hi nkôôba bijek gwé i ngéda sép,+
hi ntééda ki gwo i ngéda libumbul.
9 A mut yeñgi, w’a nañal letee ni ngéda mbe?
Ngéda mbe w’a tôde ’ilo?
10 Kônde ke ndék ’ilo, tôñgôl ’ilo ndék,
kônde hôô moo i tôl inyu noi,+
11 ha nyen liyep joñ li ga puhe we kiki mut wip,
yak liyend joñ li ga nyek kiki mut gwét.+
12 Mut nu a nhôla bé to yom, a bak béba, a mbet, a nsôs, a podok bitembee;+
13 a nigna ni mis,+ a mpeghe makôô, a nandak dinoo.
15 Inyu hala nyen bikuu bi ga puhe nye;
tjiba yé i ga lo kunda yada, matibla ma ga ba bé.+
16 Maboñok masamal ma yé le Yéhôva a ñoo;
ñ, masaambok ma nhénd nye ñem:
17 mis ma ngôk,+ hilémb hi mpot bitembee,+ moo ma nkôp matjél ma mut nu a yé nginsohi,+
18 ñem u u nhek bipék bibe,+ makôô ma ma mpala ke i boñ béba,
19 mut nu a ntelep mbôgi bitembee, a podok ki bitembee kiki a nhép,+
yak nu ni nu a nkéñha lôkisañ.+
21 Kañ gwo i ñem woñ ngéda yosôna;
téñ gwo i joo joñ.
25 U nwas bañ le bilama gwé bi yoña ñem woñ,+
tole mis mé ma ntjaga ma ôt we,
26 inyule muda libambe a ga boñ le munlôm a yégla ndik két bret+ yada;
ndi ibale a yé wañan nwaa, a ga nôlha mut.
27 Baa mut a nla koda hié i tôl yé, ndi mambot+ mé ma lék bé?
28 Tole mut a nla kil i ngii makalak ma nlék, ndi makôô ma lék bé nye?
29 I jam li jon li mpémél i mut a nlalna nwaa mut wé libôk;
nu ni nu a mboñ hala, a ga pei bé kogse.+
30 Bôt ba nyan bé mut wip
ibale a nip inyule njal i bak i gwé nye.
31 Ndi to hala, ibale ba ngwel nye, a ga saa i yom a nip ngélé isaambok;
a ga ti nkus wonsôna u ndap+ yé.
32 Nu ni nu a nke i ndéñg ni muda numpe, wee a gwé bé pék;*
34 Inyule munlôm nu a nsôñ nwaa, a nyai ngandak;
a ga bana bé konangoo i ngéda a mpun nyemede.+
35 A ga neebe bé bitek;*
to likébla li yé likeñi lelaa, hiun hié hi ga sôs bé.