Tjémbi

 2 Inyule me bi kal le: “Loñge yoñ ñem* i ga nom* i mba ni mba,+

yak libak joñ li maliga li ga ba ngéda yosôna nyoo ngii.”

 3 “Me bi boñ malômbla ni nu me bi pohol;+

me kumul ngwélél wem David soñ+ le:

 4 ‘Me ga boñ le mbôda* yoñ+ i nom i boga ni boga,

me boñ ki le ane yoñ i nom tjai ndi tjai.’”+ (Selah)

 5 A Yéhôva, ngii i mbégés mam moñ ma hélha;

ñ, likoda li bapubhaga li ga bégés we inyu libak joñ li maliga.

 7 Ba nlôôha ti Nyambe lipém ikété likoda lipubhaga;*+

inyu ba bobasôna ba nkéña nye,+ a yé mpémba, a kôli ki le ba kon nye woñi.

 8 A Yéhôva Nyambe nu mintôñ mi gwét,

njee a yé mpémba kiki we, a Yéhôva?*+

 9 U mbémbe mbimba i tuye;+

u mômôs mangudga+ i ngéda ma mbet.

11 Ngii i yé yoñ, yak hisi hi yé hioñ;+

wen u bi hek nkoñ ’isi ni gwom gwobisôna bi yé mu.+

12 U hek pes ñombok ni pes nwelmbok;

hikôa Tabor+ ni hikôa Hermôn+ di nkon maséé i bégés jôl joñ.

13 U gwé mpémba woo;+

woo woñ u gwé ngui;+

woo woñ walôm u nyémbél.+

14 Telepsép ni mbagi sép bi yé hikuu hi yééne yoñ ane;+

loñgeñem* ni maliga bi yé i bisu gwoñ.+

Ba nkil mu mapubi ma su woñ, a Yéhôva,

16 kel yosôna, ba nkon maséé inyu jôl joñ,

ba nkôhna ki lipém inyu telepsép yoñ.

17 Inyule u yé lipém jap ni ngui+ yap,

di nkônde ki bana ngui*+ inyule u nsayap bés.

18 Inyule ben yés i nlôl yak Yéhôva,

yak kiñe yés i nlôl yak Numpubi nu Israel.+

“Me bi ti mpémba mut ngui;+

me bédés ki nu me bi pohol ikété bôt ba litén.+

20 Me bi pohol ngwélél wem David;+

me hoo nye ni môô mem mapubhaga.+

21 Woo wem u ga nit nye,+

yak nam yem i ga ti nye ngui.

22 Ñoo nye ki nye a’ nyégsa bé nye i saa tas,

mut to wada nu a téé bé sép a’ tééñga bé to nye.+

23 M’a nyagat bakolba bé i bisu gwé,+

me bép ki ba ba ñoo nye.+

24 M’a téñbe ni nye, me unda nye loñge yem ñem,*+

m’a kônde ki ti nye ngui* inyu jôl jem.

25 M’a boñ le a bémbe tuye ni woo wé,*

a bémbe ki balom+ ni woo wé walôm.

26 A’ lôndôl me, a kal le: ‘U yé Tata wem,

Nyambe wem ni Liaa li tohi yem.’+

27 M’a yilha nye mbôkgwéé,+

me téé nye le a ba kiñe i nloo bikiñe gwobisôna bi hisi.+

28 M’a téñbe i gwés nye i boga ni boga,+

yak malômbla mem ni nye m’a buga bé kekikel.+

29 Me ga boñ le mbôda* yé i nom i boga ni boga,

me boñ ki le ane yé i nom kiki ngii i nom.+

30 Ibale bon bé ba ntjôô mbén yem,

ba kil bé to mu matéak mem,*

31 ibale ba mbôk matiñ mem,

ba tééda bé to mambén mem,

32 wee m’a kogse bo ni ntoñgo+ inyu ndok* yap,

me kogse ki bo ni hisôô inyu liboñok jap libe.

33 Ndi nyemede, m’a waa yaga bé téñbe ni nye,+

to tañba, m’a tañba bé mbônga wem.*

34 M’a bôk bé malômbla+ mem,

to héñha i yom i bi pémél i bibép gwem.+

35 Me bi kum soñ ni libak jem lipubi ngélé yada inyu yosôna;

m’a teembene bé David.+

36 Mbôda* yé i ga nom i boga ni boga;+

ane yé i ga nom kiki hiañgaa i bisu gwem.+

37 Ane yé i ga tééba i boga ni boga,

nlélém kiki sôñ i yé ngéda yosôna kiki mbôgi maliga nyoo ngii.” (Selah)

38 Ndi wemede u bi lep nye, u tjôô ki nye;+

u lôôha unbene nhook woñ.

39 U bi tjôô malômbla u bi boñ ni ngwélél woñ;

u hindis ntut wé, u leñ wo ’isi.

40 U bi bôk mapénd mé ma ngok momasôna;

yak masolbene mé, u yilha mo likund.

41 I bôt bobasôna ba ntagbe ipañ yé, ba nyoñ gwom gwé gwobisôna;

a nyilna bôt bé ba libôk+ jam li wonyuu.

42 U bi boñ le bakolba bé ba yémbél;*+

u kônha baoo bé bobasôna maséé.

43 U bi boñ le pansoñ yé i ba ha bañ nseñ,

u nwas ki le a nimis gwét.

44 U bi boñ le a nimis lipém jé,

u leñ ki yééne yé ane ’isi.

45 U bi nwas le a pala un;*

u ha nye wonyuu kiki ba nha mut mbot. (Selah)

49 A Yéhôva, minson u bi boñ i ngéda kôba inyu unda loñge yoñ ñem,*

mi u bi kumul David soñ ni libak joñ li maliga,+ mi yéne hee?

50 Éé a Yéhôva, bigda bisol ba bi leñ bagwélél boñ;

bigda lelaa me nlama nihbe bisol* bi matén momasôna;

51 éé a Yéhôva, bigda bisol baoo boñ ba bi leñ;

bigda lelaa ba bi sol nhook woñ to hee homa a bé ke.