Yésaya
48 Emblana i jam lini a mbôda Yakôb,
bé ba ni gwé jôl li Israel,+
bé ba ni nlôl i malép* ma Yuda,
ni nkum soñ i jôl li Yéhôva,+
ni séblak jôl li Nyambe nu Israel
to hala kiki ni mboñ bé hala ni ñem maliga, to ni telepsép.+
2 Jôl li tison pubhaga+ jon ba bi yoñ,
ba nyéñ ki mahôla yak Nyambe nu Israel,+
nu a gwé jôl le Yéhôva nu mintôñ mi gwét.
3 “I ngéda kôba, me bi bôk me añle bé i mam* ma bé lama bôña.
Ma bi pémél i nyo wem,
me boñ ki le ma yiba.+
Kunda yada, me boñ le ma yon.+
4 Kiki me bé yi le u yé ndok,
ni le minliiñ mi joo joñ mi nlet kiki kei,* yak mbom yoñ i nlet kiki mamuna,+
5 jon me bi bôk me kal we i mam mana behee.
Ilole ma mbôña, me bi boñ le u nok mo,
inyu boñ le u kal bañ le: ‘Sat yem yon i mboñ mo,
ntjok wem ôñgba ni ñôôk ôñgba* yem gwon bi nti oda le ma bôña.’
6 U bi nok i mam mana momasôna, u tehe ki mo.
Baa u ga añal bé mo?+
Ibôdôl nano, me ñañle we mam ma mondo,+
mam ma ma sôli, le u yik bé.
7 Nano ndik nyen me yé i boñ mo; me bi boñ bé mo i ngéda kôba.
Len nyen a yé ngélé bisu le u nok mo,
inyu boñ le u kal bañ le: ‘Nun-ki! Me yik mo kôba.’
8 Ni maliga, u bi emble bé,+ u bi yi bé to mo;
i ngéda kôba, u bi néhi bé maôô inyu emble.
10 Nun-ki! Me bi pubus we, ndi kiki silba+ bé.
Me bi nwas le u kôhna njiiha i i yé kiki juu li li nyimbi kei,+ le ndi me pubus* we.
Me nti bé mut nye ki nye lipém jem.*
12 Emble me a Yakôb; yak we a Israel, we nu me bi sébél.
Me yé nlélém.+ Me yé nu a mbôk; me yé ki nu a nsôk.+
I ngéda me nsébél gwo, bi ntelep ngélé yada.
14 Bébobasôna kodbana, ni emble ki.
Njee ikété yap a bi añal i mam mana?
15 Memede nyen me mpot, me sébél+ ki nye.
Me bi lona nye; i jam a nlama boñ li ga ke loñge.+
16 Kôôgana bebee ni me, ni emble i jam lini.
Ibôdôl i bibôdle, me bi pot bé jam bisôsôli.+
I ngéda li bi bôña, me bé ha.”
Nano, Nwet Bayemlikok le Yéhôva a ñom me, a om ki mbuu wé.*
17 Haana nyen Yéhôva, Nkobol woñ, Numpubi nu Israel+ a mpot:
18 Ibale u sédi to ôô inyu emble mambén+ mem!
Ki to jôl jap li ga lém bé, to séha i bisu gwem.”
20 Nyodnana i Babilôn!+
Kena loñ i bôt ba Kaldéa ngwéé!
Añlana i jam li, ni leñek diléla! Leglana+ jo!
Boña le li yiba letee ni makas ma ’isi.+
Kala le: “Yéhôva a nkobol ngwélél wé Yakôb.”+
21 Nyus malép i bi gwel bé bo i ngéda a bé éga bo i ñoñ.+
A bi pémhene bo malép i liaa;
a bi bol liaa, malép ma puhul.”+
22 “Nsañ u ta bé inyu bibéba bi bôt,”+ hala nyen Yéhôva a mpot.