Tjémbi
Masoohe ma mut ba ntét, i ngéda a nlehel ñem,* ndi a yiblene Yéhôva ñem.+
2 U sôô bañ me su woñ i ngéda bikuu+ bi nkwél me.
3 Inyule dilo tjem di nyoi kiki hiida,
me nôgda ki bihés gwem bi nloñ wengoñle bi yé ikété juu.+
4 Ñem wem u yé kiki kai le hiañgaa hi bi bép, hi kudus+ ki,
inyule to bijek bi nkon ha bé me ngôñ.
6 Me yé kiki lolo lom i i niñil i ñoñ,
me bak kiki likuñ li li gwé mimbôñgô mi maôô, li li yé mu likund.
8 Kel yosôna baoo bem ba nsol me.+
I bôt ba nol me hiol* ba ngwélél jôl jem inyu tiihe bape.
9 Inyule libu jon li nyila bret+ gwem,
yak i yom me nyo i yé mpôdnaga ni gwiiha+
10 inyu hiun hioñ ni liyot joñ,
inyule u bi pa me, u lep me.
13 Ibabé pééna, u ga telep, u kônôl ki Siôn+ ngoo,
inyule ngéda i nkola le u bôñôl nye loñge;+
ñ, ntéak ngéda u nkola.+
15 Biloñ bi ga kon jôl li Yéhôva woñi,
yak bikiñe bi ’isi gwobisôna bi ga kon lipém joñ woñi.+
18 I jam lini li ga tilba inyu hiai hi nlo,+
inyu boñ le litén li li ga gwéé* i mbus ngéda li bégés Yéhôva.*
19 Inyule a mbéñgne hisi nyoo i homa wé mpubhaga;+
Yéhôva a mbéñgne hisi nyoo i ngii,
20 inyu emble manjelel* ma mut mok,+
inyu kobol i bôt ba nlama nôla,+
21 inyu boñ le jôl li Yéhôva li añlana i Siôn,+
yak bibégés gwé i Yérusalem,
22 i ngéda matén ni biane
bi ga kodba inyu gwélél Yéhôva.+
23 A bi suhus ngui yem ngéda ngi kola;
a hubus dilo tjem.
25 U bi tek hikuu hi ’isi i ngéda kôba,
yak ngii i yé nson u moo moñ.+
26 Gwon* bi ga tjiba, ndi we w’a yégle;
gwobisôna gw’a un kiki mbot.
U ga héñha gwo kiki ba nhéñha mambot, bi ga ba ha bé.
27 Ndi we u yé nlélém, yak nwii nwoñ nw’a bana bé lisuk kekikel.+
28 Bon ba bagwélél boñ ba ga yén ibabé le ba kon woñi,
yak mbôda yap i ga ba i umi siñ i bisu gwoñ.”+