Hiôb
7 “Baa niñ i mut binam hana ’isi i ta bé kiki bôlô njok?
Baa dilo tjé di ta bé kiki dilo di mut a nsal, a kôhnaga nsaa?+
2 A yé kiki nkol u u nlôôha bana ngôñ ni yiye,
a bak kiki mut bôlô nu a mbem nsaa+ wé.
3 Inyu hala nyen me nyén ngandak sôñ, niñ yem i mbana bé nseñ,
me ntégbaha ki mau ikété ndutu.+
4 I ngéda me nañal, me mbadba le: ‘Imbe ngéda m’a telep?’+
U wonsôna letee ni i maye ma kel, me nke bé ’ilo.
6 Dilo tjem di mpala tagbe iloo kék i moo ma mut a mbañ mabadô,+
dilo tjem di mal, di nyék me ngi botñem.+
8 I jis li ntehe me nano, li ga tehe ha bé me;
mis moñ m’a yéñ me, ndi me ga ba ha bé.+
10 A’ témb ha bé i ndap yé,
bôt ba homa wé liyééne b’a yi ha bé nye.+
11 Jon, m’a yip bé nyo wem.
12 Baa me yé tuye, to nuga ikeñi i tuye,
le u téé bôt le ba tat me?
13 I ngéda me nkal le: ‘Kaga* yem i ga hôgbaha me;
nañi yem i ga hôyôs njôghe yem,’
14 ndi i ngéda me nke ’ilo, ha nyen u nkônha me woñi ni bieem,
yak biyiinda gwoñ bi mboñ le ñem u bôô me matjél,
15 kayéle me neebe le nhébék wem u kidi, me wo,
16 Niñ yem i mbébél yaga me;+ me gwé ha bé ngôñ i niñ.
Nwas me nwee, inyule dilo tjem di yé kiki nhébék.+
18 Inyuki u nwan nye hiki kegla,
u noodege nye hiki ngéda?+
19 Kekii u ga waa nun me,
u nwas ki me nwee le me bana ngéda i mil matai?+
20 Ibale me mboñ jam libe, baa hala a mboñ we béba, a we Nu u nwan bôt ba binam?+
Inyuki men u nkwél?
Baa me nyilna we mbegee ikeñi?
21 Inyuki u nwéhél bé béba yem,
to sas hihôha hiem?
Inyule ndék ngéda m’a nañal ikété nluñ ték,+
w’a yéñ me, ndi m’a ba ha bé.”