Tjémbi

137 Di bi yén bebee ni balom ba Babilôn,+ nyoo nyen di bi yén ’isi.

Di kahal ee i ngéda di bi hoñol Siôn.+

2 I ngii bilagal* bi bi yé mu nkoñ wé*

nyen di bi kéi diluñ+ tjés.

3 Inyule nyoo nyen i bôt ba bi kena bés i minkôm ba bi kal bés le di tubul bo hiémbi,+

i bôt ba bé ndegle bés, ba bé gwés le di nôlha bo hiol, ba kalak bés le:

“Tublana bés hiémbi hiada mu tjémbi di Siôn.”

4 Lelaa di yé le di tôp hiémbi hi Yéhôva

i loñ ipe?

5 Ibale me nhôya we, a Yérusalem,

wee woo wem walôm u boñ ha bañ yom yo ki yo.*+

6 Hilémb hiem hi adbe hias hiem

ibale me nhoñol bé me we,

ibale me nyoñ bé Yérusalem

kiki njom i maséé+ mem i i nloo mana manjom mape.

7 Éé a Yéhôva, bigda

i yom bôt ba Édôm ba bi kal i kel Yérusalem a bi kwo, ba bé kal le:

“Bôga nye! Bôga nye letee ni i dikuu+ tjé!”

8 A ngond Babilôn, we nu u yé bebee ni tjiba,+

maséé ni nu a’ timbhe we

nlélém jam u bi boñ bés.+

9 I mut a’ gwel bon boñ,

ndi a nyagat bo i ngii maaa,+ a’ ba maséé.