Tjémbi
Hiémbi hi David.
35 Éé a Yéhôva, sôñ me i moo ma bôt ba nkolba+ me.
Jôs ba ba njôs me.+
3 Pa likoñ joñ ni nkuleñ* woñ nu gwét inyu jôs ba ba noñ+ me.
Kal me* le: “Me yé tohi+ yoñ.”
4 Ba ba nyéñ nol me* ba kon hison, ba wo ki nyuu.+
Ba ba ñôô jimb inyu tjé me, ba témb ni mbus, ba wo ki nyuu.
6 Jiibe li kôp mu njel yap, njel yap i sendi ki
i ngéda añgel i Yéhôva i noñ bo.
7 To hala kiki me nyumbla bé bo, ba nsôô pése inyu gwel me;
ba ntimil ki me* bee.
9 Ndi me m’a kon maséé inyu mam Yéhôva a bi boñ;
m’a hak inyule a bi tohol me.
10 Bihés gwem bi ga kal le:
“A Yéhôva, njee a yé kiki we?
Wen u ntohol ba ba gwé bé nhôla i moo ma bôt ba nloo bo ngui;+
ñ, u ntohol ba ba gwé bé nhôla ni diyeyeba i moo ma bôt ba nkadal gwom gwap.”+
11 Bôt ba mbôgi ba ba gwé mahoñol mabe ba nlo me i bisu,+
ba ômôk me minsohi inyu mam me nyi bé.
12 Me mbôñôl bo loñge ndi ba ntimbhe me béba,+
hala a ntééñga me ngandak;
13 ki le i ngéda ba bé kon, me bé me haba nsugut;
me bé sôga je* inyule me bé nok ndutu.
I ngéda me bé soohe, ndi me kôhna bé ndimbhe,*
14 me bé ke wengoñle me ñee liwanda jem tole mankéé;
me hôdbak inyu ngandak njôghe kiki mut nu a ñee nyañ.
15 Ndi i ngéda me bi baage, ba bi kon maséé, ba kodba;
bobasôna ba amb me inyu pendee me;
ba ñôbôs me jôl ibabé waa.*
17 Éé a Yéhôva, w’a kida ndik i béñge i mam ma letee ni ngéda mbe?+
18 Ha nyen m’a ti we mayéga ikété likoda likeñi;+
m’a bégés we ikété limut li bôt.
19 U nwas bañ le i bôt ba ñoo me ngi njom ba kon maséé ni ndutu yem;
u neebe bañ le ba ba ñoo me yañga+ ba nigna ni mis lôñni mahoñol mabe.+
20 Inyule ba mpot bé bibañga bi nsañ,
ndi i bôt ba niñ ni nsañ ikété loñ,+ ba nhégél bo bipék bibe.
21 Ba nahal manyo map inyu soman me,
ba kalak le: “Hiino! Hiino! Mis més ma mal tehe i mam ma.”
22 Éé a Yéhôva, u bi tehe i mam ma! U mom bañ nwee.+
A Yéhôva, u ba bañ haa ni me.+
23 Tôde, telep ki, u sôñ me;
éé a Yéhôva Nyambe wem, sôñ me munu nkaa wem.
24 Éé a Yéhôva Nyambe wem, kéés me inoñnaga ni telepsép+ yoñ,
baoo bem ba kon bañ maséé inyu ndutu yem.
25 Ba kalak bañ kekikel le: “Hiino! Di nkôhna i yom di yéñék.”
Ba kalak bañ kekikel le: “Di mil nye tjwat.”+
26 Bobasôna ba kon hison, ba wo ki nyuu,
ba ba nkon maséé ni ndutu yem.
Ba ba nhoñol le ba nloo me, ba haba wonyuu ni diyana.
27 Ndi ba ba nkon maséé le me téé sép ba leñ diléla;
ba kal i ngéda yosôna le:
“Yéhôva a kôhna lipém, nu a yé maséé i ngéda ngwélél+ wé a niñ ikété nsañ.”