Tjémbi
Biniigana inyu ñéga kôa. Hiémbi hi David.
64 A Nyambe wem, emble kiñ yem i ngéda me nyemhe we.+
Tat niñ yem i ngéda ñoo wem a njôs me.
2 Sôñ me ni bipék bibe bi bibéba bi bôt,+
sôñ me i moo ma limut li baboñbéba.
3 Ba nhôl dilémb tjap kiki pansoñ;
ba leñek bibuk bibe kiki ba nleñ makoñ ma mimpihlôñgô,
4 le nyoo i bahoma ba sôlne, makoñ map ma ôm mut nginsohi;
kunda yada, ba nleñ nye mo ibabé to le ba kon woñi.
5 Ba nai ni mahoñol mabe;*
ba kwelek inyu yi lelaa ba ga sôô tjandi tjap.
Ba kalak le: “Mut to wada a ga tehe bé tjo.”+
6 Ba mbot manjel mape inyu boñ béba;
ba ôdôk bipék bibe bisôsôli bañga liôdôk;+
mahoñol hiki wada wap a gwé mu ñem ma nla bé yiba.
7 Ndi Nyambe a ga leñ bo makoñ;+
ma ga babaa bo kunda yada.
8 Hilémb hiap hiomede hion hi ga kwés bo.+
Ba bobasôna ba ga tehe hala, ba ga mek miño.