Tjémbi
Biniigana inyu ñéga kôa. Hiémbi hi David.
139 A Yéhôva, u bi wan me, u nyi ki me.+
2 U nyi i ngéda me nyén ni i ngéda me ntelep.+
U nwan mahoñol mem u bak haa.+
4 Ilole hilémb hiem hi mpahal buk,
nun-ki, a Yéhôva, u ma yi yo bañga liyik.+
5 U nkéña me i mbus ni i bisu;
u nkéhi woo woñ i ngii yem.
6 U nyi me i likala me nla bé nok.*
I nya yi i, i nlôôha ba i ngii, i homa me nla bé pam.*+
7 Hee me yé le me so inyu ke mbuu woñ ngwéé?
Hee me yé le me ke haa ni su+ woñ?
9 Ibale me mpuue ni bipapai bi maye ma kel,
le me kee me yén bebee ni tuye nu a nlôôha ba haa,
10 yak nyoo, u ga ba ha inyu éga me ni woo woñ,
woo woñ walôm u ga gwel me.+
11 Ibale me nkal le: “Ba nla bé tehe me i homa jiibe!”
Ha nyen jiibe li li nkéña me li ga yila mapubi.
12 To jiibe li nkôp lelaa, li ta bé ngangañ jiibe inyu yoñ,
ndi u, u mbai iloo njamuha+ inyu yoñ;
inyu yoñ, jiibe ni mapubi bi yé nlélém jam.+
13 Inyule wen u bi uñgus ditam tjem;
wen u bi hô me mu libum li mama yem.+
14 Me mbégés we inyule me bi uñghana i nya i mbuma ñañ* ni i nya i nhélhana.+
Minson nwoñ mi yé hélha,+
me nyi hala loñge loñge.
15 Bihés gwem bi bé bé bi sôli i bisu gwoñ,
i ngéda me bi héga bisôsôli,
i ngéda me bi uñghana ikété libum.+
16 Mis moñ ma bi tehe me ikété libum;
bijô gwem bi nyuu gwobisôna bi bé ntilga mu kaat yoñ,
yak i ngéda bi bé lama uñghana,
i ngéda to jô yada mu i bé ngi ba.
17 I mam u nhoñol ma nlôôha ba tik i mis mem!+
A Nyambe, nsoñgi u mam u nyi u nloo hihéga!+
18 Ibale me noode soñgol mo, ma yé ngandak iloo lisege li tuye.+
I ngéda me ntôde, me ngi yii ni we.*+
19 A Nyambe, ibale u bak to le u nol bibéba bi bôt!+
Ki bôt ba bisañ* ba nke me haa,
20 i bôt ba mpot we béba ni mahoñol mabe;
ba yé bakolba boñ ba ba nti bé jôl joñ lipém.+
21 A Yéhôva, baa me ñoo bé ba ba ñoo we?+
Baa me ntehe bé ba ba ndogbene we kiki yom nyega?+
22 Me ñoo bo+ bañga bañga;
ba nyilna me bañga baoo.
23 A Nyambe, wan me, u yi ki ñem+ wem.