Tjémbi
Hiémbi hi David.
144 Yéhôva, Liaa jem,+ a kôhna bibégés,
nyen a niiga moo mem i jo sañ,
a niiga ki dinoo tjem i jo gwét.+
2 A yé loñge yem ñem* ni litédél jem,
a yé bañga yem lisolbene* ni nsôñ wem,
a yé ben yem ni loñge yem lisolbene,+
a yé Nu a nsuhus matén ’isi yem.+
3 Éé a Yéhôva, mut binam a yé kii le u yimbe nye,
to man mut le u yoñ ngéda ni nye?+
7 Sambal moo moñ, u bak nyoo i ngii;
sôñ me, u tohol ki me mu hundul,
mu moo ma bakén ba bôt,+
8 ba manyo map ma mpot bitembee,
ba ba mpa ki woo walôm inyu kum soñ i bitembee.*
9 A Nyambe, m’a tubul we hiémbi hi mondo.+
M’a tubul we tjémbi di bibégés* ni hiluñ hi hi gwé jôm li manganda,
10 a we Nu u mboñ le bikiñe bi yémbél,*+
a we Nu u nsôñ ngwélél woñ David le bôt ba nol bañ nye.+
11 Sôñ me, u tohol ki me i moo ma bakén ba bôt,
ba manyo map ma mpot bitembee,
ba ba mpa ki woo walôm inyu kum soñ i bitembee.
12 Ha nyen bon bés ba ga yila bon ba bie ba ba nhoo nañ,
bingond gwés bi yila kiki mél le ba nkôñg inyu ba mél ma makas ma ndap kiñe.
13 Mandugi més ma ga yon ni mintén mi bijek nwominsôna;
bibémba gwés bi ga bôl nyoo i nwom nwés, nsoñgi wap u ga ba dikôô di bilém ni jôm li dikôô di bilém.
14 Ngandak yés nyaga i ga gwal ngandak, jam libe li ga kwél bé yo,* to mém ma ga so bé yo;
nlondok wo ki wo u ga nôga bé i minloñ nwés.
15 I bôt ba nkôhna i mam ma, ba yé maséé!
I bôt Nyambe wap a yé le Yéhôva ba yé maséé!+