Yésaya
8 Yéhôva a bi kal me le: “Yoñ soso libam+ ni saô,* u tila mu le: ‘Maher-Salal-Has-Baz.’* 2 Me gwé ngôñ le bôt ba mbôgi ba ba yé maliga ba tila le* u mboñ i jam li, bo bana: prisi le Uria+ bona Sakaria, man Yébérékia.”
3 I mbus, me lalna* mpôdôl nu muda,* a nembee, a gwal man munlôm.+ Ha nyen Yéhôva a bi kal me le: “W’a o nye jôl le Maher-Salal-Has-Baz, 4 ilole mañge a nyi kal le: ‘Papa!’ ni ‘Mama!’ ba ga kena nkus u Damaskô ni nkus u Samaria i bisu bi kiñe Asiria.”+
5 Yéhôva a kônde kal me le:
6 “Hala kiki litén lini li ntjél malép ma Silôam*+ ma ma nkuli mbeñel,
ndi li nkônôl Rézin bo man Rémalia+ maséé,
7 nun-ki! Yéhôva a ga kogse bo, a lona i boni
malép ma Lom* nkeñi, nu a nkuli ngwéé ngwéé,
mon ma yé kiñe Asiria+ ni lipém jé jolisôna.
Malép mé ma ga hô diléléba tjodisôna,
ma ga hôl, ma bet i nkoñngii,
8 malép ma ga sôble i Yuda.
Ma ga hôl, ma kee homa nyensôna, ma pamak bôt i joo;+
a ga sambal bipapai gwé, bi hô loñ yoñ yosôna,*
9 Boña bo béba a biloñ, ndi to hala n’a bugi ngéñ ngéñ.
Emblana, a bé bobasôna ba ni nlôl i minkoñ mi yé haa!
Kôôbana gwét,* ndi to hala n’a bugi ngéñ ngéñ!+
Kôôbana gwét, ndi to hala n’a bugi ngéñ ngéñ!
10 Hega pék, ndi n’a yônôs bé yo!
11 Yéhôva a bi pôdôs me, woo wé u ngui u bak i ngii yem, inyu béhe me le me noñ bañ maboñok ma litén lini; i jam lini jon a bi kal me:
12 “I jam litén lini li nsébél le jimb, bé ni sébél bañ jo le jimb!
I jam ba nkon woñi, bé ni kon bañ jo woñi;
li boñ bañ to le ni sehla.
13 Yéhôva nu mintôñ mi gwét nyen ni nlama tehe le a yé Numpubi,+
nyen ni nlama kon woñi,
nyen a nlama boñ le ni sehla.”+
14 Inyu biane* bi Israel gwo biba,
a ga yila kiki témpel,
kiki liaa le mut a mbômda,+
ni kiki ngok baagene;
inyu bôt ba nyééne i Yérusalem,
a ga yila kiki hiandi ni mbunja.
15 Ngandak bôt ikété yap i ga baage, i kwoo, i bugi;
i ga gwiya* i hiandi, i gwéla ki.
17 M’a kônde bem* Yéhôva,+ nu a nkôm mbôda Yakôb mbus,+ m’a bôdôl ki nye ñem.
18 Nuna-ki! Me ni i bon Yéhôva a bi ti me,+ di yé i loñ Israel kiki biyimbne+ ni manyaga bi bi nlôl yak Yéhôva nu mintôñ mi gwét nu a nyééne i hikôa Siôn.
19 Ibale ba nkal bé le: “Kena yak bôt ba makañ ni bôt ba mis ma-na ba ba nhuñbe, ba soogaga, inyu bat bo mam.” Baa he Nyambe wé bé nyen litén li nlama bat mam? Baa ba nlama bat bawoga mam inyu bayômi?+ 20 Ndi mbén ni mbôgi* i i yé ntilga yon ba nlama béñge!
I ngéda i mam ba mpot ma nkiha bé ni lipôdôl lini, wee ba gwé bé mapubi.*+ 21 Hiki mut a ga tagbe ikété loñ, a kônhaga ngoo, njal i bak i gwé nye;+ kiki njal i mba i gwé nye, a unbak ki, a ga tiihe kiñe yé ni Nyambe wé, a béñgege ngii. 22 I mbus, a ga béñge hisi, a tehe ndik njiiha ni jiibe, lehelñem ni mangéda mabe, juu ni ngangañ jiibe.