Tjémbi
148 Béghana Yéhôva!*
Béghana Yéhôva nyoo i ngii!+
Béghana nye mu bahoma ba nyôgi.
2 Béghana nye, a bé biañgel gwé+ gwobisôna.
Béghana nye, a bé mintôñ nwé mi gwét+ nwominsôna.
3 Béghana nye, a hiañgaa ni sôñ.
Béghana nye, a bé tjôdôt di di mbai.+
4 Béghana nye, a ngingii.*
Béghana nye, a bé ond i ngii.
5 Gwobisôna bi bégés jôl li Yéhôva,
inyule a bi ti oda ndi bi héga.+
7 Béghana Yéhôva hana ’isi,
a bé binuga bikeñi bi tuye, ni ndip tuye yosôna,
8 a bé banwegnwek ni matan-ga, libu li lisuni* ni ond mbibi,
a bé mbuk mbebi, ba ni nyônôs bañga+ yé, béghana nye,
9 a bé dikôa dikeñi ni dikôa dititigi,+
a bé bie bi num matam ni bie bi sédar+ gwobisôna, béghana nye,
10 a bé binuga bi bikai+ ni bilém gwobisôna,
a bé binuga bi ñôdba ’isi ni dinuni, béghana nye,
11 a bé bikiñe bi hisi ni biloñ gwobisôna,
a bé baane ni bakéés bobasôna ba hisi,+ béghana nye,
12 a bé boñge bôlôm ni boñge bôda,*
a bé mimañ mi bôt* ni boñge ba wanda, béghana nye.
13 Bobasôna ba bégés jôl li Yéhôva,
inyule jôl jé jotama jon li nloo môl mape momasôna huum.+
Lipém jé li nloo ’isi, li nloo ki ngii.+
14 A ga kônde ti litén jé ngui,*
inyu boñ le i bôt bobasôna ba tiñi ni nye ba kôhna lipém,
hala wee bon ba Israel, litén li li nkôôge nye bebee.
Béghana Yéhôva!*