Bingéngén
23 Ibale u nyén inyu je ni kiñe,
yoñ yihe ni gwom bi yé we i bisu;
2 Ibale u nyi le u nje ngandak,
ha ngwende i joo joñ.*
3 U tam bañ bijek gwé bilam,
inyule bijek bi malôga bi.
4 U tumbba bañ inyu yéñ lingwañ.+
U boñ ha bañ hala, ndi unda le u nyi jam.*
5 I ngéda u nke i béñge jo, li ga ba ha bé,+
inyule li ga bana bipapai kiki nyôgôl, li puue nyoo i ngii.+
6 U je bañ bijek bi mut wim;*
bijek gwé bilam bi kon bañ to we ngôñ,
7 inyule a yé kiki mut nu a nsoñgol hiki yom u nje.*
A nkal we le: “Jek, nyok,” ndi hala a nlôl bé nye ñem.*
8 W’a lo bijek u nje,
u ga tehe le u béghak nye yañga.
10 U héñha bañ nwaa nkoñ,+
u jôbôk bañ to i wom u man nyuu.
12 Yibil ñem woñ inyu nok maéba,
yak ôô woñ inyu emble bibañga bi yi.
Ibale u mbép nye disôô, a ga wo bé.
17 Ñem woñ u tam bañ bibéba bi bôt,+
ndi kon Yéhôva woñi ngéda yosôna,+
18 hala nyen w’a ba loñge i dilo di nlo,+
yak botñem yoñ y’a set bé.
19 A lok yem, emble me le ndi u ba mut pék,
éga ñem woñ i njel i téé sép.
20 U yén bañ i ti i bôt ba nyôba,+
to ipôla bôt ba nsôgba binuga,+
21 inyule bôt ba nyôba ni bôt ba mbéna je ba ga kwo liyep;+
ibale u ntôñgôl ’ilo, u ga haba bipéda bi mambot.
22 Emble isoñ nu a bi gwal we,
u yan bañ nyuñ ndik inyule a ñun.+
24 Isañ mut nu a téé sép a ga ba maséé;
nu a yé isañ man nu a gwé pék, a ga kon maséé inyu yé.
25 Isoñ bo nyuñ ba ga kon maséé,
i muda a bi gwal we a ga ba maséé.
26 A lok yem, ti me ñem woñ,
yak maboñok mem ma lémél we.+
29 Njee a nok ndutu? Njee a nok bé loñge?
Njee a nomol? Njee a ntjelel?
Njee a gwé mambabaa ngi njom? Njee a gwé bikôyôp bi mis?*
31 U béñge bañ wai kiki i nkôyôp,
kiki i nene ilam ikété tômblô, i kulak mbeñel mbeñel i libit.
32 Inyule sôk i nsôk, i nkoogana kiki nyoo,
i ntjo mbôñ kiki péé.
33 Mis moñ ma ga tehe mam ma ma yé nkén,
ñem woñ u ga tinde we i pot mpuñgu.+
34 U ga ba kiki mut nu a niñi i ñem tuye,
kiki mut nu a niñi i manjoñ ma sitima.*
35 U ga kal le: “Ba mbép me, ndi me nok bé to yom.*
Ba ntumb me, ndi me nyi bé.
Imbe ngéda me ga tôde?+
Nyus i ngi gwé me.”*