Yésaya
50 Yéhôva a nkal le:
“Kaat mabos+ me bi ti nyuñ ndi me buñga* nye, i yé hee?
Ikété bôt ba mbat me pil, me bi nuñul bé yak njee?
2 Inyuki mut a bé bé hana i ngéda me bi lo?
Inyuki mut to wada a bi timbhe bé me i ngéda me bi sébél?+
Baa woo wem u yé kidik ngandak inyu kobol bé?
Tole me gwé bé ngui i tohol bé?+
Tjobi tjap di wo nyus malép,
di bol inyule malép ma ta ha bé.
3 Me ga boñ le ngii i kôp jiibe,+
me hô ki yo ni minsugut.”
4 Nwet Bayemlikok le Yéhôva a bi ti me hilémb hi banigil,*+
inyu boñ le me yi lelaa me timbhe* i mut a yé nwaak ni bibañga* bi bi ntina makénd.+
A ntôdôl me hiki kegla;
a néhi ôô wem le me emble kiki banigil.+
5 Nwet Bayemlikok le Yéhôva a bi yibil ôô wem,
me bi ndogbene bé nye.+
Me bi kôm bé nye mbus le me noñ njel ipe.+
6 Me bi lek mbus yem inyu bôt ba bé bép me,
me lek ki mamañ inyu bôt ba bé tus me mayéé.
I ngéda ba bé yan me, ba tjôlge me matai, me bi sôô bé su wem.+
7 Ndi Nwet Bayemlikok le Yéhôva a ga hôla me.+
Inyu hala nyen me ga wo bé nyuu.
8 Nu a nkal le me téé sép a ta bé haa.
Me ni nye di telep.*
Njee a nla soman me?
A tiige me bebee.
9 Nuna-ki! Nwet Bayemlikok le Yéhôva a ga hôla me.
Njee a nla kal le me gwé njom?
Nuna-ki! Bobasôna ba ga un kiki mbot.
Masek ma ga je bo.
10 Njee ikété nan a nkon Yéhôva woñi,
a emblege ki kiñ i ngwélél wé?+
Njee a nkil ikété ngangañ jiibe, ngi mapubi mo ki mo?
A bôdôl jôl li Yéhôva ñem, a nigbene ki Nyambe wé.
11 Nuna-ki! Bébobasôna ba ni nkuye hié,
ni boñok le njanjat i puue,
kila mu mapubi ma hié hinan,
ni mu njanjat nan ni mpémés.
I kogse ini yon me ga ti bé:
ni ga nañal ikété njôghe.