Hiôb
13 “Ñ, me bi tehe i mam ma momasôna ni jis jem,
ôô wem u emble mo, me nok ki mo.
2 I mam ni nyi, yak me me nyi mo;
ni nloo bé me.
3 Me, me ntehe nseñ le Nu ngui yosôna nyen me pôdôs;
me ngwés kena hop wem i bisu bi Nyambe.+
4 Ndi ni ñôbôs jôl jem ni bitembee;
bébobasôna ni yé bidokta bi bi gwé bé nseñ wo ki wo.+
5 Ibale ni bak to le ni mom yaga nwee,
ki i nene le ni gwé pék.+
6 Soho, emblana nkaa wem,
ni sédi ki ôô i nok lelaa me ntoñol hop wem.
7 Baa n’a pot mam ma téé bé i jôl li Nyambe?
Baa i jôl jé ki nyen n’a pot minkoda mi mam?
8 Baa n’a ke i pes yé?
Baa ni nsômbôl kéé bañga Nyambe?
9 Ibale a nwan bé, baa ki a’ kon maséé ni bé?+
Baa ni nhoñol le ni nla lôk nye kiki ba nlôk mut binam?
10 Ibale ni nyéñ todol bôt bisôsôli,
ibabé pééna, Nyambe a’ kônd+ bé.
11 Baa bikeñi gwé bi ga boñ bé le miñem minan mi bôô matjél?
Baa woñi u Nyambe u ga gwel bé bé?
12 Bibañga binan bi pék bi yé yañga kiki libu;
yak mandimbhe manan ma gwé bé ngui kiki biben le ba mbañ ni ték lima.
13 Moma nwee, inyu boñ le yak me, me pot.
I yom i mpémél me, i pémlak me!
16 Ha nyen a’ yila ntohol wem,+
inyule mut nye ki nye nu a nti bé Nyambe lipém* a’ telep bé i bisu gwé.+
17 Ni tibil emble bibañga gwem,
ni sédi ki ôô i nok bipôdôl gwem.
18 Nuna-ki, me mal kôôba nkaa wem;
me nyi le me gwé bé njom.
19 Njee a’ kaa ni me?
Ngo m’a wo ibale me mom nwee!*
20 Éé a Nyambe, inyu boñ le me solop bañ i bisu gwoñ,
ti ndik me i mam mana mo ima:*
21 Héya woo woñ u u nyét i ngii yem, kena wo haa;
i woñi bôt ba nkon we woñi u boñ bañ le ñem u bôô me matjél.+
22 Pot ndugi, ndi m’a timbhe we,
tole nwas le me pot, ndi w’a timbhe me.
23 Bimbe bibéba ni dimbe dihôha me mboñ?
Yeelene me liboñok jem libe ni béba yem.
25 Me yé ndik hiai le mbebi i mal kena, me yé ndik nnumuk kai,
inyuki u nkônha me woñi, u noñok ki me?
26 U nwaa bé tila bisoman bi ngui u gwééne me,
u mboñ ki le me saa inyu bibéba me bi boñ i ngéda me bé mañge wanda.
27 U nha makôô mem ikété dikéñ,*
u wanak maboñok mem* momasôna,
u yimbge ki hiki homa me ntéé mabal mem.
28 Jon mut binam* a ñôbi kiki bôô yom,
kiki mbot le masek ma nje.