Hiôb
27 Hiôb a kena nkwel* wé ni bisu, a kal le:
2 “Me nkum soñ i jôl li Nyambe nu a niñ, nu a bi tjél unda me telepsép,+
ñ, me nkum soñ i jôl li Nu ngui yosôna nu a bi boñ le niñ yem i lol,*+
3 le ntel wonsôna me ngi hébék,
yak mbuu u Nyambe u bak me mu mben yem môl,+
4 bibép gwem bi ga pot bé jam jo ki jo li téé bé sép;
to hilémb hiem hi ga huñbe bé malôga!
5 Me ta bé to le me hoñol i kal le bé bon ni mpot maliga!*
Letee me wo, m’a tjôô bé* libak jem li ngi nsohi!+
7 Ñoo wem a kôhna kogse i béba mut,
yak i bôt ba nyumbla me ba kôhna kogse i mut nu a téé bé sép.
8 Inyule i ngéda mut a nti bé Nyambe lipém,* imbe botñem a gwé i ngéda a ntjiba,+
i ngéda Nyambe a nyoñ niñ* yé?
9 I ngéda bikuu bi ga kwél nye,+
baa Nyambe a ga nok nlondok wé?
10 Baa Nu ngui yosôna a ga ba maséé mé?
Baa a ga yemhe Nyambe ngéda yosôna?
11 M’a niiga bé lipémba li* Nyambe;
m’a sôô bé me bé yom yo ki yo inyu Nu ngui yosôna.
12 Nuna-ki! Ibale bébobasôna ni ntehe biyiinda,
inyuki ni mpot mam ma gwé bé nseñ?
13 I nsaa unu won Nyambe+ a nkôôbana béba mut;
ñ, i ngababum ini yon Nu ngui yosôna a nti batét bôt.
14 Ibale a mbana ngandak bon, ba ga nol bo ni pansoñ,+
mbôda yé i ga kôhna bé libim li bijek li li ga kola bo.
15 Bôt bé, ba ba ga pei, himala hi kon hi ga jô bo,
to biyik gwap bi bôda bi ga ee bé bo.
16 To ibale a ñumbe moni kiki ba ñumbe biték,
to ibale a nkot ki mambot malam kiki ba nkot ték lima,
17 to ibale a nkot mo,
mut a téé sép nyen a ga haba mo,+
yak bôt ba nginsohi bon ba ga kabna silba yé.
18 I ndap a ñoñ i gwééba bé, nlélém kiki ndap masek,
ni kiki pele+ i ntat wom.
19 A ga nañal, a bak ngwañ, ndi lingwañ jé li ga too bé;
i ngéda a ga yibil mis, a ga bana ha bé ki to yom.
20 I mam ma nkônha woñi ma mpuhe bibéba bi bôt kiki hundul malép;
mbuk mbebi a mbegee bo juu.+
21 Mbebi i nlôl i pes likôl i ga yabna bo, ba ga ba ha bé;
i ga héya bo ha i homa+ wap.
22 Mbebi i ga kwél bo ibabé le i kon bo ngoo+
i ngéda ba ga yéñ le ba kee ngui mbebi ngwéé.+