Tjémbi
Biniigana inyu ñéga kôa; kingéda hiémbi hi hi gwé ño le “U tjé bañ.” Hiémbi hi Asaf.+ Ntuba.
75 Di nti we mayéga, a Nyambe, di nti we mayéga;
jôl joñ li yé bés bebee,+
yak bôt ba binam ba ñañal minson nwoñ mi hélha.
2 U nkal le: “I ntéak wem ngéda,
m’a kéés ni telepsép.
3 I ngéda hisi hi bé nyeñg* ni i bôt bobasôna ba nyééne mu,
men me bi téé mél mé le ma piñgla bañ.” (Selah)
4 Me nkal bôt ba ngôk le: “Ni ngôgôp bañ,”
me kalak yak bibéba bi bôt le: “Ni kadba bañ le ni gwé ngui.*
5 Ni kadba bañ le ni gwé ngui* ngandak,
ni pot bañ to ni ngôk.
6 Inyule lipém li mut binam li nlôl bé
i pes likôl, to i pes hiôñg, to i pes nwelmbok.
7 Inyule Nyambe nyen a yé Nkéés.+
A nsuhus wada, a bédhak nuu numpe.+
8 Libôndô li yé i woo u Yéhôva;+
wai i mbédés lihus, i yé ki mpôdnaga loñge.
Ibabé pééna, Nyambe a ga kôp yo
le bibéba bi bôt gwobisôna hana ’isi bi nyo yo, bi nyo yak mbit yé.”+
9 Ndi me, m’a añal i jam li i boga ni boga;
m’a tubul Nyambe nu Yakôb tjémbi di bibégés.*