Tjémbi
Biniigana inyu ñéga kôa; nsik ba nkôt lôñni gitit.* Hiémbi hi bon bôlôm ba Kôra.+
Ñem wem ni minsôn nwem mi nleñ diléla inyu Nyambe nu a niñ.
3 Ñ, nyoo nyen hinuni hi nléba homa liyééne,
nyoo ki nyen ngañ-njok a ñôñôl jumbul jé,
mu nyen a ntéédana bon bé,
bebee ni juu joñ li bisesema likeñi, a Yéhôva nu mintôñ mi gwét,
Kiñe yem ni Nyambe wem!
4 I bôt ba nyééne i ndap yoñ ba yé maséé!+
Ba nwaa bé bégés we.+ (Selah)
5 I bôt ba nyôñôl ngui i weeni ba yé maséé,+
ba miñem mi nkon bo ngôñ i jôp mu minloñ mi nkena i ndap yoñ.
6 I ngéda ba ntagbe mu nsôsôgô u Baka,*
ba nyilha wo homa mangen;
yak banop ba bisu ba nkôp wo bisai.*
7 Kiki ba mba ba nke, hala nyen ngui yap i ba ndik i nkeñep, keñep ni keñep,+
hiki mut a ga telep i bisu bi Nyambe i Siôn.
8 Éé a Yéhôva Nyambe nu mintôñ mi gwét, emble masoohe mem;
sédi ôô, a Nyambe nu Yakôb. (Selah)
10 Ñ, hilo hiada ikété bikotoo gwoñ hi nloo hikôô hi dilo homa numpe!+
Me mpohol i telep i nwemel* u ndap Nyambe wem,
iloole me yén mu mandap ma mabadô ma bibéba bi bôt.
11 Inyule Yéhôva Nyambe a yé kiki hiañgaa+ hi hi mbéyéi bés, a bak kiki ben+ i i nsôñ bés;
a ñunda loñgeñem, a tinak ki lipém.
I bôt ba nkil ikété maliga,
Yéhôva a ga nim bé bo jam lilam jo ki jo.+
12 A Yéhôva nu mintôñ mi gwét,
i mut a mbôdôl we ñem a yé maséé.+