Amôs
5 “Emblana lipôdôl lini me ñañle bé kiki njelel,* a litén li Israel:
2 ‘Ngond ngi yi munlôm le Israel i nkwo;
i nla ha bé telep.
Ba ntjôô nye i nkoñ wé;
mut a ta bé inyu téé nye.’
3 “Inyule Yéhôva, Nwet Bayemlikok, a nkal le:
‘I tison i nkena 1 000 hi bôlôm i gwét, i ga yégla ndik 100;
i tison i nkena 100, i ga yégla 10, hala nyen i ga pémél litén li Israel.’+
4 “Inyule Yéhôva a nkal litén li Israel le:
‘Yéña me ndi n’a kônde niñ.+
5 Ni yéñ bañ i ke i Bétel,+
ni ke bañ i Gilgal,+ ni lôô bañ to i Béer-Séba,+
inyule ibabé pééna, Gilgal a ga ke i minkôm,+
Bétel a ga tjiba.*
6 Yéña Yéhôva ndi n’a kônde niñ,+
inyu boñ le hiun hié hi kala bañ kiki hié i ndap Yôsep,
kayéle hi ligis Bétel, mut nye ki nye a ba bé inyu lém hio.
8 Nu a bi hek liuñ li tjôdôt li Kima,* a hek ki liuñ li tjôdôt li Késil,*+
nyen a nyilha ngangañ jiibe kiki mapubi ma kegla,
nyen a nyilha njamuha kiki juu,+
nyen a nsébél malép ma tuye
inyu kôp mo hana ’isi:+
jôl jé le Yéhôva.
9 A ga tjé mut a gwé ngui,
a tjé yak masolbene.
10 Ba ñoo bôt ba nkodol bo i nwemel u tison,
ba ñoo yak bôt ba mpot maliga.+
11 Inyule ni mbat hiyeyeba hi mut le hi saa moni inyu hisi hi a nsal,
ni yoñok ki bijek gwap kiki nsaa u tas,+
n’a kônde bé yén i mandap ni bi oñ ni ngok le ba nkôñg,+
n’a nyo ha bé to wai i i nlôl i nwom mi minkôô mi wai minlam mi ni bi sal.+
12 Inyule me nyi le maboñok manan mabe* ma yé ngandak,
ni mboñ yak bibéba bikeñi:
13 Jon, i bôt ba gwé bañga yi b’a mom nwee ha ngéda i,
inyule hala a mba ngéda ndutu.+
Inyu boñ le Yéhôva Nyambe nu mintôñ mi gwét a ba ni bé,
kiki yak bé ni mpot.+
Bebek le Yéhôva Nyambe nu mintôñ mi gwét
a ga unda bôt ba Yôsep ba ba nyégle loñgeñem.’+
16 “Jon Yéhôva Nyambe nu mintôñ mi gwét, Yéhôva a nkal le:
‘Minlénd mi ga ba bahoma bobasôna,
bôt ba mba ba mbégél i minloñ nwominsôna le: “Wééi, wééi!”
Ba ga sébél basalnwom i maéya,
yak i bôt ba nkôhna nsaa inyu ee, le ba loo i maéya.’
17 ‘Minlénd mi ga ba ikété hiki wom u minkôô mi wai,+
inyule m’a lôô i weeni inyu kogse we,’ hala nyen Yéhôva a mpot.
18 ‘Ngoo ni bôt ba ngwés tehe hilo hi Yéhôva!+
Kii hilo hi Yéhôva hi ga kobla inyu nan?+
Hi ga ba jiibe, ha mapubi bé.+
19 Hala a ga ba wengoñle mut a nke mbondo njéé ngwéé, ndi a boma ours,
i ngéda a njôp i mbai yé ndi a bii woo wé i libap, nyoo i kogoo nye.
20 Hilo hi Yéhôva hi ga ba jiibe ha mapubi bé;
hi ga ba ngangañ jiibe, hi ga bai bé.
21 Me ñoo mangand manan, ma mbébél me,+
me ngwés bé njiñ i makoda manan makeñi.
22 To ibale ni nti me bisesema bi ntul i hié ni makébla,
bi ga kônha bé me maséé;+
bilém bi mahoñ ni nti me kiki sesema inyu kôp nsañ, me nun bé gwo ni mis malam.+
23 Héyana me liyôgbe li ntuba nan u tjémbi;
me ñemble bé to nsik u diluñ dinan.+
24 Boña le mbagi sép i kuli kiki malép,+
yak telepsép kiki lép u u nsa bé.
25 Baa ni bi ti me bisesema ni makébla
mu 40 ma nwii ni bi tégbaha i ñoñ, a litén li Israel?+