Yôsua

8 I mbus, Yéhôva a kal Yôsua le: “U kon bañ woñi,+ to sehla u sehla bañ. Yoñ bôt ba gwét bobasôna, u bet i Ai. Nun-ki, me mal ti kiñe Ai i moo moñ, ni litén jé, ni tison yé lôñni nkoñ+ wé. 2 U ga boñ Ai ni kiñe yé kiki u bi boñ Yérikô ni kiñe+ yé. Ndi i lisañ lini, ni nla yoñ nkus wé ni bilém gwé inyu nan. Boñ le bôt ba solop i mbus tison inyu puhe bo.”

3 Jon Yôsua ni bôt ba gwét bobasôna ba bi bet i Ai inyu jôs tison gwét. Yôsua a pohol 30 000 ma mimpémba mi bôt ba gwét, a om bo juu. 4 A kal bo le: “Emblana: ni nlama solop i mbus tison inyu puhe bo. Ni lôôha bañ ke haa ni tison, ndi bébobasôna ni ba nkôôbaga. 5 Me ni i bôt bobasôna ba yé ni me, di ga kôôge bebee ni tison. I ngéda ba ga pam inyu jôs bés gwét kiki ngéda bisu,+ di ga ke bo ngwéé. 6 I ngéda ba ga noñ bés, di ga ôt bo haa ni tison, inyule ba ga kal le: ‘Ba yé i ke bés ngwéé kiki ngéda bisu.’+ Hala nyen di ga ke bo ngwéé. 7 Ha nyen ni ga pam i homa ni bak ni sôli, ni puhe bo, ni yoñ ki tison. Yéhôva Nyambe nan a ga ti bé i tison i. 8 I ngéda ni ga yoñ tison, ni ga ligis+ yo. Ni nlama boñ kiki Yéhôva a nkal. Mabéhna mem ma.”

9 Ha nyen Yôsua a bi ep bo, ba ke i homa ba bé lama solop inyu puhe baoo bap, ipôla Bétel ni Ai, i pes hiôñg i Ai. Ndi Yôsua a bi tégbaha u ni bana bôt ba gwét bape.

10 I mbus, Yôsua a pule telep, a kot bôt bé ba gwét, nye ni mimañ mi Israel ba kena bo i Ai. 11 I bôt ba gwét+ bobasôna ba bé ni nye ba bi bet, ba pam i bisu bi tison. Ba yééne i ñombok u Ai, i nsôsôgô u u bé ipôla yap ni Ai. 12 Ha ngéda i, Yôsua a bi ep jam kiki bo 5 000 di bôt le ba solop ipôla Bétel+ ni Ai inyu puhe baoo bap,+ i pes hiôñg i tison. 13 Jon liyééne likeñi li bôt ba gwét li bé i ñombok u tison,+ ndi bôt ba gwét ba ba bé tat mbus, ba bi solop i pes hiôñg i tison.+ I u u, Yôsua a ke i ñemkété nsôsôgô.*

14 I ngéda kiñe Ai i bi tehe ndik hala, kegla tutu nye ni bôt ba tison ba pala pam inyu ke i jôs Israel gwét. Mintôñ mi gwét nwo ima mi bi bomna i homa a nyôgi mu ñoñ.* Ndi kiñe Ai i bé yi bé le bôt ba bi solop i mbus tison inyu puhe bo. 15 I ngéda bôt ba Ai ba bi leñ bo gwét, Yôsua ni bon ba Israel bobasôna ba ke ngwéé mu njel i nkena i ñoñ.+ 16 Ha nyen ba bi sébél bôt bobasôna ba tison le ba noñ bon ba Israel. Kiki ba bé noñ Yôsua, bon ba Israel ba ôt bo haa ni tison. 17 Mut to wada a bi yégle bé i Ai, to i Bétel. Bobasôna ba bi noñ bon ba Israel, ba yék tison yosôna i néhi.

18 Ha nyen Yéhôva a bi kal Yôsua le: “Sambal likoñ li yé i woo woñ i pes Ai,+ inyule m’a ti tison i moo+ moñ.” Jon Yôsua a bi sambal likoñ li li bé i woo wé nyoo i pes i tison. 19 I ngéda a bi sambal woo, bôt ba gwét ba pala pam i homa ba bé ba sôli, ba jôp i tison, ba yoñ yo. I nlélém ngéda, ba ligis+ tison.

20 I ngéda bôt ba Ai ba bi hielba, ba nun mbus, ba tehe hiida hi tison hi mbet i ngii, ba yi ha bé hee ba kil ngwéé. Ha nyen bôt ba gwét ba Yôsua, ba ba bé ke ngwéé mu njel i nkena i ñoñ, ba bi hielba, ba kahal noñ i bôt ba bé noñ bo. 21 I ngéda Yôsua ni bon ba Israel bobasôna ba ba bé ni nye ba bi tehe le bôt ba gwét ba ba bé ba sôli ba nyoñ tison, ni le hiida hi tison hi mbet i ngii, ha nyen ba bi hielba inyu jôs bôt ba Ai gwét. 22 Bana bon ba Israel bape ba pam i tison inyu boma bo. Hala nyen bôt ba Ai ba bi kwo i hiandi, inyule bon ba Israel ba bé i bipes gwo biba. Bon ba Israel ba nol bôt ba Ai bobasôna, mut to wada a bi yégle+ bé, mut to wada a pei bé to. 23 Ndi ba bi gwel kiñe Ai+ yômi, ba kena nye yak Yôsua.

24 I ngéda bon ba Israel ba bi mal nol bôt ba Ai bobasôna ba ba bé mu ñoñ, hala wee nyoo ñoñ i het ba bi noñ bo, ni i ngéda ba bi mal nol bobasôna ni pansoñ, ha nyen bon ba Israel bobasôna ba bi témb i Ai, ba nol* ki bôt ba ba bi yégle mu tison ni pansoñ. 25 I kel i, 12 000 bôt di bi nôla, bôlôm ni bôda; ñ, bôt ba Ai bobasôna yaga. 26 Yôsua a bi suhus bé woo a bi sambal, u u bééna likoñ,+ letee a mal tjé+ bôt ba Ai bobasôna. 27 Bon ba Israel ba yoñ bilém ni nkus u tison i, kiki Yéhôva a bi kal Yôsua.+

28 I mbus, Yôsua a ligis tison Ai, a yilha yo nwind u ngok;+ hala nyen Ai a bi yégle letee ni len. 29 A péni kiñe Ai i kék letee ni kôkôa. I ngéda hiañgaa hi bé bebee ni nañal, Yôsua a ti oda le ba suhus mim wé i kék.*+ I mbus, ba leñ mim wé i lijubul li tison, ba bédés ki soso nwind u ngok i ngii yé. I nwind u ngok unu u ngi yii nyoo letee ni len.

30 Ha nyen Yôsua a bi oñ juu li bisesema i hikôa Ébal+ inyu Yéhôva, Nyambe nu Israel. 31 A bi oñ jo kiki ngwélél Yéhôva le Môsi a bi kal bon ba Israel, ni kiki i yé ntilga ikété kaat mbén+ Môsi le: “Yoñ ngok i ba yé ngi kôñg ni kei,*+ u gwélél yo inyu boñ juu li bisesema.” Mu ngii yé nyen ba bi ti Yéhôva bisesema bi ntul i hié ni bisesema inyu kôp nsañ.+

32 Nyoo ki nyen Yôsua a bi tila bibañga bi Mbén,+ bi Môsi a tila i bisu bi bon ba Israel.+ 33 Bon ba Israel bobasôna, mimañ mi litén, baane ba litén ni bakéés ba bé ba téé i bipes gwo biba bi Nkuu, i bisu bi biprisi, Lôk Lévi, bi bi bé bi bééga nkuu Malômbla u Yéhôva. Bakén ba bôt lôñni bon+ ba Israel ba bé ha. Jôga jada li bôt li bé li téé i bisu bi hikôa Gérizim, lini jôga lipe li bak i bisu bi hikôa Ébal+ (kiki ngwélél Yéhôva le Môsi a bi bôk a kal),+ inyu boñ le litén li Israel li kôhna bisai. 34 I mbus hala, Yôsua a añ mbén Môsi+ yosôna makeñi, bisai+ ni ndiihe,+ inoñnaga ni i mam momasôna ma yé ntilga ikété kaat Mbén. 35 Ikété mam momasôna Môsi a bi kal, bañga to yada i bi yégle bé mu le Yôsua a bi añ bé makeñi i bisu bi ntôñ* u Israel+ wonsôna; yak bôda ba bé ha, ni boñge lôñni bakén ba bôt+ ba ba bé niñ* ipôla+ bon ba Israel.