Hiôb

42 Hiôb a timbhe Yéhôva, a kal nye le:

 3 U bi kal le: ‘Njee a mpééna i yom me nkal, ki le a nyi bé jam?’+

 4 U bi kal le: ‘Soho emble me, ndi m’a pot.

M’a bat we mambadga, le ndi u yis me mam.’+

7 I ngéda Yéhôva a bi mal pôdôs Hiôb, Yéhôva a pôdôs yak Élifas, man Lôk Téman, a kal nye le:

“Me ñunbene we ni mawanda moñ mo ima+ ngandak, inyule i yom ni nkal inyu yem+ i ta bé maliga, i yé maselna ni i yom ngwélél wem Hiôb a mpot. 8 Nano ni, yoña balôm ba nyaga basaambok, ni balôm ba mintômba basaambok, ni kee yak ngwélél wem Hiôb, ni ti gwo kiki sesema i ntul i hié inyu nan. Yak ngwélél wem Hiôb a ga soohe inyu nan.+ Masoohe mé ndik mon me ga neebe,* le me kogse bañ bé inyu bijôñ binan; inyule maselna ni ngwélél wem Hiôb, i yom ni nkal inyu yem i ta bé maliga.”

9 Jon Élifas man Lôk Téman, Bildad man Lôk Sua, ni Zôfar man Lôk Naama, ba boñ kiki Yéhôva a bi kal bo. Yak Yéhôva a neebe masoohe ma Hiôb.

10 I ngéda Hiôb a bi mal soohe inyu mawanda+ mé, Yéhôva a mélés bikuu gwé,+ a timbhe ki nye lingwañ jé.* Yéhôva a kônde ti Hiôb ngaba iba i ba inyu gwom a bééna kôba.+ 11 Lôk kéé yé i bôlôm ni i bôda yosôna, yak ni minlômbi nwé mi mawanda+ nwominsôna mi bi lo i yuuga nye, ba je ni nye i ndap yé. Ba kwel ni nye, ba hôgbaha ki nye inyu bikuu gwé gwobisôna Yéhôva a bi nwas le bi kwél nye. Hiki wada wap a ti nye pes silba yada ni hilonde hi gôl.

12 Hala nyen Yéhôva a bi sayap lisuk li niñ i Hiôb iloo bibôdle+ gwé. Hiôb a bana 14 000 mintômba, 6 000 di kamél, 2 000* di nyaga, ni 1 000 hi miñin mi magas.+ 13 A bi bana ki bon bôlôm basaambok ni bon bôda+ baa bape. 14 A o ngond yé bisu jôl le Yémima, i nyônôs iba le Kézia, ni i nyônôs aa le Kéren-Hapuk. 15 Ikété loñ yosôna, muda to wada a bé bé nlam kiki bingond bi Hiôb. Isañ a ti hiki ngond yé yé ngababum kiki a bi ti lôknyañ yap i bôlôm.

16 I mbus hala, Hiôb a niñ ki 140 nwii, a tehe bon bé ni balal bé, letee ni tjai dina. 17 Sôk i nsôk Hiôb a wo, a ma niñ ntandaa ngéda, a niñ ki loñge.*