Hiôb
34 Élihu a kônde timbhe, a kal le:
2 “Emblana bipôdôl gwem, a bé bôt ba pék;
ni sédi maôô, a bé ba ni nyi ngandak mam.
3 Inyule ôô u ñemble bibañga,
kiki hilémb* hi noode bijek.
4 Di wan i yom i téé sép;
di kit ipôla yés i jam li yé loñge.
6 Baa me yé le me tembee inyu nkaa wem?
Ngo mbabaa yem i mal bé, to hala kiki me mboñ bé béba.’+
7 Njee a yé kiki Hiôb,
nu a nyo diyana kiki malép?
8 A yé lôñni baboñbéba,
a bak lôñ yada ni bibéba bi bôt.+
9 Inyule a nkal le: ‘I mut a nyéñ lémél Nyambe,+
a nkôhna bé nseñ wo ki wo.’
10 Jon a bé ba ni nyi jam,* emblana me:
11 Inyule a’ saa mut binam inoñnaga ni i yom a mboñ,+
a’ boñ ki le bikuu bi kwél nye inyu mam a mboñ.*
13 Njee a bi ti nye hisi le a ane,
njee a bi ti ki nye kunde i énél nkoñ ’isi wonsôna?
14 Ibale Nyambe a nkit* le a nkolba bo,
ndi a témb a yoñ bo ngui yap niñ* ni nhébék+ wap,
15 ki bôt ba binam bobasôna ba* ntjiba ntôñ,
bobasôna ba témb ba yila nluñ ték.+
16 Ibale u nyi jam, emble yaga i jam lini;
u sédne ki me ôô.
17 Baa i mut a ñoo telepsép a kôli ane bôt?
Baa u yé le u kal le mpémba mut, u u téé sép, u nkwo nkaa?
18 Baa u yé le u kal kiñe le: ‘U ta bé to yom,’
to mintôô mi bôt, baa u yé le u kal nwo le: ‘Ni yé bibéba bi bôt’?+
19 A yé Nu a ntodol bé baane,
a nyoñ bé pes i ngwañ mut inyu tjôô hiyeyeba,*+
inyule bobasôna ba yé nson u moo+ mé.
20 Ngo kunda yada, ba nla wo+ i ñem mau;+
ba nlôôha kon woñi, ba ntjiba ki;
yak mimpémba mi bôt mi ta ha bé, ndi moo ma bôt ba binam bé mon ma mboñ i jam li.+
23 Inyule Nyambe a ntééne bé mut ngim ngéda
i lo i bikééhene, i bisu gwé.
24 A gwé bé le a wan mimpémba mi bôt ilole a mbôk bo ngéñ ngéñ,
a téé ki bôt bape le ba yoñ bitel gwap.+
26 A mbép bo inyu bibéba gwap,
i bisu bi bôt bobasôna,+
27 inyule ba noñ ha bé nye,+
ba nti bé to nye lipém jo ki jo inyu mam a mboñ;*+
28 bibéba bi bôt bi ntinde hiyeyeba i bat nye mahôla,
kayéle a nok nlondok u bôt ba ba yé ngoo.+
29 I ngéda Nyambe a mom nwee, njee a nla pémhene nye mbagi nôgôs?
I ngéda a nsôô su wé, njee a nla tehe nye?
To loñ, to mut binam nyen Nyambe a mboñ, lisuk li yé ndik nlélém,
30 inyu boñ le i mut a nti bé Nyambe lipém* a ane bañ,+
a émbél bañ to bôt ba litén tjandi.
31 Baa mut a ga kal Nyambe le:
‘Me nkôhna kogse, to hala kiki me mboñ bé béba yo ki yo;+
32 niiga me i yom me ntehe bé;
ibale me bi boñ béba, m’a tiimba ha bé boñ yo’?
33 Baa a nlama saa we kiki u nhoñol i ngéda u ntjél bikééhene gwé?
Wen u nlama kit, ha me bé.
Jon kal me i yom u nyi yaga.
34 I bôt ba nyi jam,*
ni bôt ba pék ba ba ñemble me, ba ga kal me le:
35 ‘Hiôb a mpot ngi yi,+
yak bipôdôl gwé bi ñunda le a gwé bé pék.’
36 Ibale Hiôb a bak to le a bana manoodana* bañga bañga,
inyule a ntimbhe kiki bibéba bi bôt!