Amôs
1 Bipôdôl bi Amôs* nu a bé ntééda mintômba wada i Tékôa,+ Amôs a bi kôhna i bipôdôl bi ikété yiinda inyu Israel i dilo di Kiñe Yuda le Ôsiya+ ni i dilo di Yérôbôam,+ man Yôas,+ kiñe i Israel, nwii ima ilole hisi hi nyeñg.+ 2 A bi kal le:
“Yéhôva a ga kônd i Siôn,
a ga bédés kiñ yé i Yérusalem.
Bahoma ba bikai ba batééda mintômba ba ga ba i maéya,
yak bikai gwobisôna bi bi yé libabat li Karmel bi ga wo.”+
3 “Yéhôva a nkal le:
‘“Inyu bibéba* baa bi Damaskô, inyu bina yaga, me ga héñha bé mahoñol,
inyule ba bi tét Giléad kiki mut a ntét blé ni kei* i gwé masoñ.+
5 Me ga bôk bihimbil bi makôga ma Damaskô;+
me ga tjé i bôt ba nyééne i Bikat-Aven,
yak nu a ñane* i Bét-Éden;
bôt ba Siria ba ga ke i minkôm i Kir,”+ hala nyen Yéhôva a mpot.’
6 Yéhôva a nkal le:
‘“Inyu bibéba baa bi Gasa,+ inyu bina yaga, me ga héñha bé mahoñol,
inyule ba bi gwel ngandak bôt i minkôm,+ ba sem bo Édôm.
7 Me ga om hié i lipénd li Gasa,+
hi ligis minkum nwé mi mandap.
8 Me ga tjé i bôt ba nyééne Asdôd,+
me ga sambal woo wem inyu kogse Ékrôn,+
minyégla mi bôt ba Filistia mi ga tjiba,”+ hala nyen Yéhôva, Nwet Bayemlikok a mpot.’
9 Yéhôva a nkal le:
‘Inyu bibéba baa bi Tir,+ inyu bina yaga, me ga héñha bé mahoñol,
inyule ba bi gwel ngandak bôt minkôm, ba sem bo Édôm,
inyule ba bi bigda bé malômb la ma linyañ li bôt.+
10 Me ga om hié i lipénd li Tir,
hi ligis minkum nwé mi mandap.’+
11 Yéhôva a nkal le:
‘Inyu bibéba baa bi Édôm,+ inyu bina yaga, me ga héñha bé mahoñol,
inyule a bi noñ manyañ ni pansoñ,+
inyule a bi kônôl bé to nye ngoo;
ikété hiun hié a bi pat bo ibabé waa,
a ntéédana ki bo hiun ibabé waa.+
13 Yéhôva a nkal le:
‘“Inyu bibéba baa bi bon ba Amôn,+ inyu bina yaga, me ga héñha bé mahoñol,
inyule ba bi kan mabum ma bôda ba Giléad inyu kéñbaha nkoñ wap.+
14 Me ga om hié i lipénd li Raba,+
hi ligis minkum nwé mi mandap,
i ngéda nlondok u gwét w’a nôga i kel gwét,
yak mbuk mbebi i kel nop nkeñi.
15 Kiñe yap i ga ke i minkôm lôñni baane bé,”+ hala nyen Yéhôva a mpot.’