Tjémbi
Hiémbi hi mabet; hi David.
122 Me bi kon maséé i ngéda ba bi kal me le:
“Di kenek i ndap Yéhôva.”+
2 Nano ni, makôô més mana ma téé
i manwemel moñ, a Yérusalem.+
3 Yérusalem a bi ôña kiki tison
i i gwé mandap ma édi, ma bak jam jada.+
4 Nyoo nyen matén ma bi bet,
matén ma Yéhôva,*
inyu bégés jôl li Yéhôva,+
kiki mbén a bi ti Israel i nkal,
5 inyule nyoo nyen ba bi téé biyééne bi ane inyu pémés mbagi,+
hala wee biyééne bi ane bi mbôda David.+
6 Soohana le Yérusalem+ a bana nsañ.
A tison, i bôt ba ngwés we ba ga ba nwee.
7 Nsañ u kônde ba ikété mapénd* moñ,
yak minkum nwoñ mi mandap mi ba nwee.
8 Kiki me ngwés lôk kéé yem ni mawanda mem, jon me nkal le:
“Nsañ u ba i weeni.”
9 Kiki me ngwés ndap i Yéhôva Nyambe+ wés,
jon me nyéñ loñge yoñ.