Kaat Yuda

1 Me Yuda, nkol u Yésu Kristô, ndi manyañ Yakôbô,+ me ntilna i bôt ba yé nséblak,+ ba Nyambe Tata a ngwés, ba bak ki ntéédaga inyu Yésu Kristô:+

2 konangoo ni nsañ ni gwéha bi bôl i ngii nan.

3 A bagwéha, to hala kiki me ban-ga ngôñ ikeñi i tilna bé inyu tohi yés bésbobasôna,+ me ntehe nseñ i tilna bé inyu ti bé makénd i kônde jo sañ inyu hémle+ i bi tina bapubhaga ngélé yada inyu ngélé yosôna. 4 Me ntilna bé inyule ngim bôt i bi sooma ipôla nan, bôt le Bitilna bi bi pôdôl kôba le b’a kôhna mbagi ini. Ba yé bayan Nyambe ba ba ngwélél konangoo i mbuma ñañ i Nyambe wés inyu boñ mam mabe ngi wonyuu,*+ ba tañbaga ki mpom mut* nu a bi somb bés, hala wee Nwet wés le Yésu Kristô.+

5 To hala kiki ni ntibil yaga yi i mam mana momasôna, me nyéñ hôñlaha bé le i ngéda Yéhôva* a bi mal tohol litén jé i loñ Égiptô,+ a bi yik tjé i bôt ba bi unda le ba gwé bé hémle.+ 6 Yak i biañgel bi bi tééda bé liyééne jap li bisu, ndi bi tjôô bañga yap liyééne,+ a bi leñ gwo i mok mi boga ikété jiibe likeñi inyu mbagi i hilo hikeñi.+ 7 Nlélém jam ni Sôdôm lôñni Gômôra, ni bitison bi bé kéña gwo, bi bi nai ni malal ma nyega,* bi kôndge ndik yônôs ngôñ minsôn i i kôli bé.+ Bi bi kôhna mbagi nôgôs i hié hi boga,+ jon bi yé mabéhna inyu yés.

8 Ndi to hala, yak i bôt bana ba nhôiba ikété bieem, ba hindhak minsôn, ba yanak bôt ba gwé kunde i ngii yap, ba ôbhak ki môl ma bôt ba gwé lipém li Nyambe.+ 9 Ndi i ngéda ñane biañgel+ le Mikael+ a bi bana ndañ ni Nsohop, ba sôñnaga mim u Môsi,+ a bi noode bé pémhene nye mbagi nôgôs, to sol nye,+ ndi a bi kal le: “Yéhôva* a kogse we.”+ 10 To hala, bana bôt ba nsol mam momasôna ba ntibil bé nok.+ Ndi yak inyu mam momasôna ba nok, ba yé kiki binuga bi bi gwé bé yi,+ ba nke ni bisu i ôbôs bomede mu mam ma.

11 Hala a yé ngoo ngandak inyu yap, inyule ba bi noñ njel Kain,+ ba pala ki jôp i njel malôga i Balam+ inyu kôhna nsaa, ba bi tjiba ki ikété bibañga bi ngolba+ bi Kôra!+ 12 Bana bôt bon ba yé maaa ma sôli ikété lép i mangand+ manan ma gwéha i ngéda ba nje lôñni bé, ba yé batééda mintômba ba ba njés bomede ibabé i kon woñi;+ ba yé ond i i gwé bé malép, i mbebi+ i ndéñgés bahoma bahoma; ba yé bie bi num bé matam i ngéda yap, bi bi yé minwok ngélé iba,* bi ba nup ni minkañ nwap; 13 ba mpémés mam map ma mahindi ngi wonyuu kiki mangudga ma tuye ma mpémés mahus,+ ba yé tjôdôt di di gwé bé njel, jiibe likeñi li yé nkôôbaga inyu yap i boga.+

14 Ndi yak Énok,+ mut nu yônôs isaambok ibôdôl yak Adam, a pot kôba inyu yap i ngéda a kal le: “Nuna-ki! Yéhôva* a bi lo ni didun di didun*+ di biañgel gwé bipubhaga 15 inyu kéés bôt bobasôna,+ ni i ôm bibéba bi bôt bi bi nyan Nyambe nsohi. Nyambe a mboñ hala inyule i bibéba bi bôt bi, bi mboñ mintén mi bibéba bi mam nwominsôna, ni inyule mi ñôbôs Nyambe jôl.”+

16 Bana bôt ba yé bôt ba minhuñbe,+ bôt ba ntjelel inyu niñ yap, ba noñok ngôñ yap ibe,+ ba kumbuk manyo ni bibañga bikeñi, ba lémhak bipôdôl* i yoña bôt inyu nseñ wap bomede.+

17 Ndi bé, a bagwéha, hoñlana bibañga baôma ba Nwet wés Yésu Kristô ba bi pot i ngéda kôba, 18 kiki ba bé béna kal bé le: “I mangéda ma nsôk, bôt ba nol bape hiol ba mba, ba noñok ngôñ yap ibe inyu mam ma téé bé sép.”*+ 19 Bon ba nlona mbagla,+ ba niñ kiki binuga,* ba gwé bé mbuu u Nyambe.* 20 Ndi bé, a bagwéha, lédhana bébomede ikété hémle nan i i nlôôha pubhaga, ni soohege ki ni mbuu mpubi,+ 21 inyu tééda bébomede ikété gwéha Nyambe,+ ni bemek konangoo i Nwet wés Yésu Kristô i i nkena i niñ boga.+ 22 Yak bahogi ba ba mpééna,+ kena ki ni bisu i kônôl bo ngoo;+ 23 ni pala héya bo i hié inyu tohol bo.+ Ndi kena ni bisu i kônôl bape ngoo, ni boñok hala ni woñi, ni ook yak mahindi ma bibéba gwap le ma tihba bañ bé.*+

24 Ndi Nyambe nu a nla tat bé le ni baage bañ, nu a nla ki téé bé ngi liton li mahindi+ i bisu bi lipém jé* ni maséé makeñi, 25 inyu nu a yé mpom Nyambe wada ni Ntohol wés ni njel Yésu Kristô Nwet wés, lipém, énél, lipémba ni kunde bi ba ni nye ibôdôl yaga i boga, hanano, ikepam i boga. Amen.