Tjémbi
Hiémbi hi David.
27 Yéhôva a yé mapubi+ mem ni tohi yem.
Njee a yé le a kônha me woñi?+
Yéhôva a yé lisolbene jem li ngui.*+
Njee a yé le a boñ me le me sehla?
2 I ngéda baboñbéba ba bi jôs me inyu je minsôn+ nwem,
bakolba bem ni baoo bem bon ba bi baage, ba kwo.
To ibale ba nleñ me gwét,
yak ha ngéda i, m’a bôdôl Nyambe ñem.
4 Me bi bat Yéhôva jam jada,
i jam li jon m’a yéñ,
le me yén dilo tjodisôna di niñ yem+ i ndap Yéhôva,
inyu memle bilama bi Yéhôva
5 Inyule a ga tééda me i lisolbene jé i ngéda bikuu,+
a ga sôô me ikété ndap yé libadô, homa a sôli;*+
a ga bédés me i ngii liaa.+
6 Nano ni, me* yé toi i ngii baoo bem ba ba nkéña me;
m’a ti bisesema i ndap yé libadô, me leñek diléla;
m’a tubul Yéhôva tjémbi di bibégés.*
8 Me* nhoñol i ngéda u bi kal le:
“Yéña su wem.”
A Yéhôva, su woñ won m’a yéñ.+
9 U sôô bañ me su woñ.+
Ikété hiun hioñ, u kôm bañ me mbus, me ngwélél woñ.*
U yé nhôla wem;+
u tjôô bañ me, u yék bañ to me, a Nyambe wem nu tohi!
11 A Yéhôva,+ niiga me njel yoñ,
éga me mu loñge njel inyu sôñ me i moo ma baoo bem.
12 U ti bañ me i moo ma babala+ bem,
inyule bôt ba ba mbok mbôgi bitembee ba ntelbene me,+
ba hanak ki le ba ga boñ me béba.
Ñ, bôdôl yaga Yéhôva ñem.