Mika
3 Me bi kal le: “Soho emblana, a baéga ba Yakôb;
yak bé, a baane ba ndap Israel.+
Baa bé bé bon ni nlama yi mam ma téé sép?
2 Ndi ni ñoo loñge,+ ni gwéhék béba;+
ni nkoñol bôt ba litén jem kôgôô, ni wahak minsôn mu bihés gwap.+
3 Ni nje minsôn mi litén jem,+
ni koñlak ki kôgôô yap,
ni bôgôk bihés, ni nyugdak gwo bikét bikét,+
kiki bijek le ba nlamb ikété hibee,* kiki minsôn le ba mbélés ikété ntjéñe.
4 Ha ngéda i, ba ga lôndôl Yéhôva le a hôla bo,
ndi a ga timbhe bé bo.
5 Haana nyen Yéhôva a mpot inyu bapôdôl ba ba nyumus litén jem,+
ba ba ñañal le ‘Nsañ!’+ i ngéda ba nti bo yom i je,*+
nu a nha bé bo yom i nyo, ba njôs nye gwét:*
Bapôdôl ba ga tehe ha bé mapubi ma hiañgaa,
kel y’a kôp jiibe inyu yap.+
7 Batehemam ba ga kon hison,+
babo ngambi ba ga wo nyuu.
Bobasôna ba ga yip manyo map,*
inyule Nyambe a ga timbhe bé bo.’”
8 Ndi me, me yé nyonok ni ngui ni njel mbuu u Yéhôva,
ni télepsép lôñni lipémba,
inyu añle Yakôb ndok yé, yak Israel béba yé.
9 Soho emblana i jam lini, a baéga ba ndap Yakôb
yak bé baane ba ndap Israel,+
bé ba ni ñoo mbagi sép, ni nkôde ki mam momasôna ma téé sép,+
10 bé ba ni ñoñ Siôn ni matjél, yak Yérusalem ni ngitelepsép.+
Ndi jôl li Yéhôva jon ba ngwélél,* ba kalak le:
“Baa Yéhôva a ta bé ni bés?+
D’a bana bé njiiha yo ki yo.”+