Yésaya
42 Nuna-ki! Ngwélél+ wem nu me nit!
Nu me bi pohol,+ nyen a nlémél me!+
Ni maliga, a ga lona telepsép.+
5 Haana nyen bañga Nyambe le Yéhôva a mpot,
Nhek ngii ni Nyambe Nunkeñi nu a bi sambal+ yo,
Nu a bi hek hisi ni gwom bi yé mu,+
Nu a nti i bôt ba nyééne hana ’isi nhébék,+
a tinak ki bôt+ ba nkil mu mbuu wé:
6 “Me Yéhôva, me bi sébél we ikété telepsép;
me bi gwel woo woñ.
Me ga sôñ we le u ba malômbla inyu bôt,+
ni mapubi inyu biloñ,+
7 le ndi u yibil mis+ ma bôt ba ndim,
u héya bôt ba mok i ngata,
yak i bôt ba yé i jiibe, u pémés bo i ndap mok.+
8 Men me yé Yéhôva, jôl jem li;
me nti bé mut nye ki nye lipém jem;*
me nti bé to bisat+ bibégés bi kôli ni me.
9 Nuna-ki! Mam ma bisu ma mal yon;
nano, me ñañal mam ma mondo.
ilole ma mbôña, me nyeelene bé mo.”+
10 Tublana Yéhôva hiémbi hi mondo,+
tublana nye hiémbi hi bibégés ibôdôl i makas ma ’isi,+
a bé ba ni nkil i tuye ni gwom gwobisôna bi yé mu,
a biôn ni bôt ba nyééne mu.+
I bôt ba nyééne i maaa ba leñ diléla;
ba tôp tjémbi di maséé i ngii dikôa.
12 Ba ti Yéhôva lipém,
ba añal ki bibégés gwé nyoo i biôn.+
13 Yéhôva a ga pam kiki mut+ nu a gwé ngui.
A ga telep kiki njogwét nu a gwé ngôñ i ke i gwét.+
A ga lond; ñ, a ga leñ nlondok u gwét;
a ga unda le a gwé ngui iloo baoo+ bé.
14 “Me bi mom nwee ntandaa ngéda.
me bi pot bé, me gwel memede.
Ndi kiki muda nu a yé i gwal,
me ga siida, me hehel, me kém ki nlélém ngéda.
15 Me ga tjé dikôa dikeñi ni bon ba dikôa,
me numus ki bikai gwap gwobisôna.
Hala nyen me ga bôñôl bo, me ga tjôô bé bo.”
ba ga témb ni mbus, ba wo ki nyuu.
18 Emblana, a bé ba ni noga bé;
nuna, ni tehna ki, a bé ba ni yé ndim.+
19 Njee a yé ndim, handugi ngwélél wem,
njee a noga bé kiki nlegelnwim nunu me ñom?
Njee a yé ndim kiki mut me bi bom,
tole a yé ndim kiki ngwélél Yéhôva?+
20 U ntehe ngandak mam, ndi u nyoñ bé yihe.
U nlek maôô, ndi u noga+ bé.
21 Inyu telepsép yé,
Yéhôva a nkon maséé i unda le mbén* i yé nseñ, i gwé ki lipém.
22 Ndi bôt ba nibil litén lini, ba nkadal ki nkus wap;+
bobasôna ba ngwiya* ikété bibee, ba sôli ki i mandap ma mok.+
Bôt ba nibil bo; mut nu a nsôñ+ bo, a ta bé,
bôt ba nkadal ki nkus wap, mut to wada a ta bé inyu kal le: “Timbhana wo!”
23 Njee ikété nan a ga nok i jam lini?
Njee a ga lek maôô i emble mam inyu dilo di nlo?
24 Njee a bi sem Yakôb le bôt ba kadal nkus wé,
a sem ki Israel i moo ma mintonba?
Baa Yéhôva bé, nu di bi ndogbene?
25 Jon a bi kônde kôp bo hiun hié,
ni liyot jé, a boñ le ba nok i ndutu gwét+ bi nlona.
Hié hi gwét hi bi ligis gwom gwobisôna bi bé kéña bo, ndi ba bi hek bé pék.+